Mustafa Sâ'î Çelebi

Dr Mustafa Sâ'î Çelebi (gstorbe 1595 z Istambul) isch e osmanische Dichder, Mooler und Biograaf gsi.

Wärk

Zur Zit vom Süleyman I. het er zur künstlerische Elite vom Riich ghöört. Dr Mustafa Sâ'î Çelebi isch vor allem bekannt wäge sinere Biografii vom berüemte osmanische Archidekt Sinan, won er vo chlii uf e Fründ von em gsi isch. In sine Büecher het er witer verzellt, was dr Sinan gsäit het, aber vor allem het er im Archidekt sini Wärk ufzellt. Die drei Schrifte, Archidektonischi Mäisterstück, S Buech vo dr Archidektuur und en anonüme Teggst si in dr Bibliothek vom Topkapı-Balast ufbewaart.

Modärni Usgoobe

• Çelebi, Sai Mustafa (2004). Book of Buildings: Tezkiretü'l Bünyan Ve Tezkiretü'l-Ebniye (Memoirs of Sinan the Architect). Koç Kültür Sanat Tanıtım ISBN 975-296-017-0