Nagezahn

As Nagzehn bezeichnet mä d Schniidzehn vo Nager und Hasenartige. Si stöhn baarwiis im Ober- und Unterchiifer, und es handlet sich drbii um funktional und morphologisch spezialisierti, meisselförmigi Zehn, wo s ganze Läbe nochwachse. Si si wurzellos oder hai chliini, offeni Zahnwurzle und d Zahnhöhli isch gege s Zahnfach ane offe. Bi Nager isch nume d Vordersiite mit Zahnschmelz überzoge, bi Hasenartige au d Rucksiite. Die Hasenartige hai usserdäm hinder de eigentlige Nagzehn im Oberchiifer non e chliine Nag- oder Stiftzahn.

Nagzehn mit Furche vom ene Capybara

Abnorms Wachsdum vo de Schniidzehn bin eme Zwärgchüngeli mit eme Hächtgebiss

D Zehn wärde vom Nage an herte Sache, wie Nüss usw., vom Grabe bi underirdischen Arte und wil si sich an de Zehn gegnüber abriibe, abgnützt, und ihri Lengi bliibt immer öbbe gliich. Dr Nagdriib isch unabhängig vo Hunger und Nahrigssuechi. Wenn d Möglichkeit von ere Abnützig fehlt, z. B. bim ene Hächtgebiss oder wil s Fueter wo d Lüt ihre Heimdier gään, z weich isch, denn wachse die Zehn wiit us dr Muulhöhli use. D Lag vom Dier verscherft sich wäge dr Eigedynamik vo däm Prozäss, wil denn s Nage und dr gegesiitig Zahnabriib immer ummögliger wärde, und schliesslig verhungeret s Dier.

Dä Artikel basiert uff ere fräie Übersetzig vu dere Version vum Artikel „Nagezahn“ vu de dütsche Wikipedia. E Liste vu de Autore un Versione isch do z finde.