Nelly Naumann

Dialäkt: Undermarkgreflerisch

D Nelly Naumann (* 20. Dezämber 1922 z Löörech as Thusnelda Jost; † 29. Septämber 2000 z Fryburg) isch e dytschi Japanoloogi gsii. Si het wiichtige Abhandlige fir d Jaapanfoorschig verfasst, unter anderem iri Analys vu japaanische Mythe im Zämehang mit em Shintō. Ire Wiirken isch unter em Yyfluss vu dr Wiener Schuel vu dr Chunschtgschiicht gstande.

Lääbe

Noch em Abituur 1941 am Hebel-Gimnasium z Löörech het si Japanology, Sinology, Velkerkund un Filosofy z Wien studiert. Wäg em Chrieg het si eerscht anne 1946 iri Dissertazioon iber „Das Pferd in Sage und Brauchtum Japans“ chenne abschließe un het as eerschti Japanoologi an dr Universitet Wien ir Doktergraad iberchuu.

Bis 1954 het si z Shanghai gläbt, dernoi het si an dr Bayerische Staatsbibliothek z Minche gschafft. Vu 1966 bis 1970 het si Leerufdreeg im Fach Japaanischi Volkskund z Bochum, z Münster un z Fryburg ghaa. Anne 1970 het si iri Habilitazioon „Das Umwandeln des Himmelspfeilers“ abgschlosse, derno het si d Brofässuur fir Japanology z Fryburg ibernuu.

No ire Emeritierig anne 1985 het si wyteri Schriften verfasst, u. a. „Die einheimische Religion Japans“ (Leiden 1988–1994) un „Die Mythen des alten Japan“ (München 1996).

Literatuur

• Klaus Antoni, Maria-Verena Blümmel: In Memoriam Nelly Naumann. In: NOAG. 167–170 (2000/01), S. 7–14 (PDF-Datei; 185 kB). In: Asian Ethnology. Band 60, Nr. 1, 2001, S. 135–146 (uf Änglisch, PDF-Datei; 211 kB).
• Sepp Linhart: Erinnerungen an Nelly Naumann. In: Minikomi – Informationen des Akademischen Arbeitskreis Japan. Nr. 4/2000, S. 5 f.
• Nooruef vu dr Gesellschaft für Japanforschung e. V. In: Japanforschung – Mitteilungen der Gesellschaft für Japanforschung e.V. Nr. 2/2000, S. 7 (PDF-Datei; 292 KB).

Dä Artikel basiert uff ere fräie Übersetzig vu dere Version vum Artikel „Nelly_Naumann“ vu de dütsche Wikipedia. E Liste vu de Autore un Versione isch do z finde.