Neimyyler
| Neimyylerr | ||||||||||||
|---|---|---|---|---|---|---|---|---|---|---|---|---|
Bi dr Neimyyler wird s Urmuul (Blastoporus) zum Anus, s Muul wird nei bildet. | ||||||||||||
| Systematik | ||||||||||||
| ||||||||||||
| Wüsseschaftlige Name | ||||||||||||
| Deuterostomia | ||||||||||||
| Grobben, 1908 | ||||||||||||
| Stamm | ||||||||||||
|
Neuimyyler (Deuterostomia) oder Zwaitmyyler nännt mer diejenige zwoosytig symmetrisch ufböute Dierer (Bilateria), wu in dr Embryonalentwicklig vum Darm s Urmuul (Blastoporus) zum After wird un s Muul sekundär us em Urdarm (Archenteron) durebricht (Deuterostomie).
Wisseschaftligi Bedytig
ändereDeuterostomi isch traditionell-morfologisch e wichtig Merkmol gsii go eso verschideni Gruppe wie d Chordata, d Hemichordata un d Echinodermata as Abstammigsgmainschaft zämmezfiere. Wievyl Bilateriergruppe im Taxon Deuterostomia yyzordne sin, isch aber langi Zyt umstritte gsii, wel Deuterostomi zem Byschpel au bi dr Pfyylwirmer un e Dail Lophophorata ufdritt, un au bi ne Dail Saitewirmer un Gliiderfießer.
Mit dr molekularbiologische Verwandtschaftsforschig het mer die Frog chenne kläre. Doderno bilde d Chordata, d Hemichordata un d Echinodermata wirkli ne Abstammigsgmainschaft, di räschtlige Gruppe mit Deuterostomi gheren aber nit derzue.
Syschtematik
ändereZue dr Neimyyler ghere drei rezänti un ai uusgstorbene Dierstamm:
- Chordadierer (Chordata) mit dr Manteldierer (Tunicata), dr Lanzettfischli (Acrania) un dr Wirbeldierer (Vertebrata, syn. Craniota)
- Stachelhyter (Echinodermata) unter anderem mit dr Seestärn un dr Seeigel
- Chiimelochdierer (Hemichordata) mit dr Fliigelchiimer (Pterobranchia) un dr Aichelwirmer (Enteropneusta)
- † Vetulicolia. Nume us em Untere un Mittlere Kambrium bekannt.
Aktuälli phylogenomischi Arbete[1][2] wyse des Schema uf:
- Deuterostomia
Uffellig isch an däre Syschtematik vor allem s nei Monophylum Olfactores, wu d Tunicata un d Craniata zämmefasst. Doderzue bilde d Acrania d Schweschtergruppe. Des widerspricht dr traditionälle Uffassig vu dr verglychende Morfologi, wu d Acrania un d Craniata zum Monophylum Notochordata zämmefasst. In dr dargstellte aktuälle Syschtematik wäre ne Dail gängigi Gruppenäme us unterschidlige Grind nimi brucht:
- Ambulacralia- Synonym zue Ambulacraria
- Cephalochordata - Synonym zue Acrania
- Chordonia - Synonym zue Chordata
- Coelomopora - Synonym zue Ambulacraria
- Craniota - Synonym zue Craniata
- Euchordata - Synonym zue Notochordata
- Myomerozoa - Synonym zue Notochordata
- Notochordata - Paraphylum us Acrania un Craniata
- Notoneuralia - Synonym zue Deuterostomia
- Urochordata - Synonym zue Tunicata
- Vertebrata' - Synonym zue Craniata
- Xenambulacraria - E Taxon, wu Ambulacraria un dr Dierstamm Xenoturbellida umfasse sott.[3] No andere Studie, dodrunter ere aktuälle, ghere d Xenoturbellida aber schyns iberhaupt nit zue dr Deuterostomia un sin ender Verwandti vu dr Acoelomorpha[4]. dodergege stehn anderi aktuälli Untersuechige vu ihrem mitochondriale Genom, wu d Yyornig as basali Deuterostomia unterstitze[5].
Lueg au
ändere- Urmyyler (Protostomia)
- Syschtematik vum Dierryych
Fueßnote
ändere- ↑ Philippe H, Derelle R, Lopez P, Pick K, Borchiellini C, Boury-Esnault N, Vacelet J, Renard E, Houliston E, Quéinnec E, Da Silva C, Wincker P, Le Guyader H, Leys S, Jackson DJ, Schreiber F, Erpenbeck D, Morgenstern, Wörheide G, Manuel M: Phylogenomics Revives Traditional Views on Deep Animal Relationships. In: Current Biology 19 (2009)
- ↑ Dunn CW, Hejnol A, Matus DQ, Pang K, Browne WE, Smith SA, Seaver E, Rouse GW, Obst M, Edgecombe GD, Sørensen MV, Haddock SHD, Schmidt-Rhaesa A, Okusu A, Møbjerg Kristensen R, Wheeler WC, Martindale MQ, Giribet G: Broad phylogenomic sampling improves resolution of the animal tree of life. In: Nature 452 (2008): 745-749
- ↑ Bourlat SJ, Juliusdottir T, Lowe CJ, Freeman R, Aronowicz J, Kirschner M, Lander ES, Thorndyke M, Nakano H, Kohn AB, Heyland A, Moroz LL, Copley RR, Telford MJ: Deuterostome phylogeny reveals monophyletic chordates and the new phylum Xenoturbellida. In: Nature 444 (2006): 85-88
- ↑ Hejnol A, Obst M, Stamatakis A, Ott M, Rouse GW, Edgecombe GD, Martinez P, Baguñà J, Bailly X, Jondelius U, Wiens M, Müller WEG, Seaver E, Wheeler WC, Martindale MQ, Giribet G, Dunn CW: Assessing the root of bilaterian animals with scalable phylogenomic methods. In: Proceedings of The Royal Society B Biological Sciences 276 (2009): 4261-4270
- ↑ Bourlat SJ, Rota-Stabelli O, Lanfear R, Telford MJ: The mitochondrial genome structure of Xenoturbella bocki (phylum Xenoturbellida) is ancestral within the deuterostomes in BMC Evolutionary Biology 9:107 (2009) http://www.biomedcentral.com/content/pdf/1471-2148-9-107.pdf
Weblink
ändere
Commons: Deuterostomia – Sammlig vo Multimediadateie
|
Dä Artikel basiert uff ere fräie Übersetzig vu dere Version vum Artikel „Neumünder“ vu de dütsche Wikipedia. E Liste vu de Autore un Versione isch do z finde. |