Nina Badrić

D Nina Badrić (* 4. Juli 1972 z Zagreb) isch e kroatischi Popsängeri.

As Chind het d Nina Badrić bim Maidlichor Zvjezdice (Stärnli) gsunge, wu si au uf Tournee dermit gangen isch un e bar Albe mit ufgnuu het.

Wu si bi „Crovizija“ ufdrätten isch, ere nationale Variante vum Eurovision Song Contest, isch si mit ihrem Lied „Ostavljam te“ uf dr acht Blatz chuu.

Anne 1995 het si d Albe Ljubav i bol un Godine Nestvarne ufgnuu. Ihre dritt Album Personality isch s maischtverchauft Album vu Kroatie in dr Johr 1997 un 1998 gsii un isch mit zwai Porin, dr Večernjakova ruža un andre Bryys uuszaichnet wore. Mit dr Single I'm so excited isch si au usserhalb vu Kroatie bekannt wore.

Im Johr 2002 isch si z Bosnie un Herzegowina mit eme Oscara as beschti uusländischi Sängeri uuszaichnet wore. Ai Johr speter isch ihre Album Ljubav mehfach mit em Porin uuszaichnet un fir iber 15.000 verchaufti Exemplar mit em Bryys Zlatna ploča (Gold) bremiert wore.

Im nämlige Johr, 2003 het d Nina Badrić bim Dora-Festival mitgmacht un isch dert mit em Lied „Čarobno jutro“ uf dr zweet Blatz chuu.

Diskografi ändere

Ljubav i bol (1995)
Godine Nestvarne (1995)
Personality (1997)
Unique (1999)
Nina (2000)
Collection (2003)
Ljubav (2003)
07 (2007)
NeBo (2011)

Filmografy ändere

2006: Libertas

Weblink ändere

Commons: Nina Badrić – Sammlig vo Multimediadateie

Offiziälli Websyte (Kroatisch)
Nina Badrić in de Internet Movie Database (änglisch)
Kroatien: Nina Badrić uf eurovision.de

Dä Artikel basiert uff ere fräie Übersetzig vu dere Version vum Artikel „Nina_Badrić“ vu de dütsche Wikipedia. E Liste vu de Autore un Versione isch do z finde.