Ninive isch d Hauptschdadt vom Neuassyrische Riich gsi.[1]

Charte vo Mesopotamie

Gschicht ändere

Ninive isch uf em lingge Ufer vom Tigris gläge, gegenüber vom hütige Mosul. Es isch us Inschrifte siit em dritte Johrduusig vor dr Ziitwändi bekannt, het aber politisch ä chliini Rolle gschbilt bis es währed em Neuassyrische Riich zur Hauptschdadt vo Assyrie worden isch. Underem König Sanherib (705-681) isch es eini vo de wichdigschde Schdedt im Middlere Oschde gsi, mit erä dobblete Schdadtmuure, emä achzig Kilometer lange Wasserkanal und brächtige Baläscht. Dr Assurbanipal (669-626) het se no meh uusbaut. Aber scho churz druf, im Johr 612 vor dr Ziitwändi, isch Ninive vo de Meder und de Babylonier zerschdört worde.

Anne 628 isch’s bi Ninive zun ere Schlacht zwüsche de Byzantiner und de Perser choo.

Uusgrabige ändere

Änglischi Archäologe hai Ninive siit dr Middi vom 19. Johrhundert usgrabt. D Schdadt het d Form vom enä unregelmässige Vieregg gha. Uf zwei Hügel näbem Fluss si Tämpel baut gsi und d Paläscht vom Sanherib und em Assurbanipal, wo berüehmt si wägen ihre Relief.

Quelle ändere

dtv-Lexikon, Deutscher Taschenbuch Verlag, München 1970, Band 13, S.140

Fuessnoote ändere

  1. Absoluti Johreszahle us em früeie Alterdum si notorisch ungenau. Johreszahle in däm Artikel si Richtlinie und sötte nid z ärnscht gnoh wärde: Für s dritte und zweite Johrduusig vor dr Ziitwändi gits verschideni Standard-Chronologie, wo aber um Johrzähnt von enander abwiiche.