Dr Brunne am Noodlebärg
Koordinate: 47° 33′ 27,5″ N, 7° 35′ 7,9″ O; CH1903: 611057 / 267446
.JPG)
Dr Brunne am Noodlebärg stoot sit 1831 am Noodlebärg 29 z Baasel. Wär en gmacht het isch umbekannt. Dr Droog isch fümfeggig und het e chliine Nääbedroog. Über em Brunne stoot en Urne us Stäi in ere äigene chliine Nische. Rund ums Wasserroor het s Verzierige. [1][2]
Ursprünglig isch dr Brunne zmidzt uf dr Strooss gstande. Wo denn aber dr Verkeer gröösser worde isch, het s immer wider emol en Umfall gä und dorum het mä dr Brunne zwüsche zwäi Hüüser verschoobe. Wo denn dr Bsitzer vo dere Parzälle dört het welle baue, het er d Bauerlaubnis nume bechoo, wil er s Huus ume Brunne ume baut het und sich um d Gipsdecki über em Brunne wurd kümmere. Er het aber d Figur von ere Magd, wo bis 1844 uf em Stock gstanden isch, mit dr Urne ersetzt.[3]
Fuessnoote ändere
- ↑ Brunnefüerer: Noodlebärg
- ↑ Waymarking: Nischenbrunnen am Nadelberg; Basel
- ↑ Christiane Widmer, Basel und seine Brunnen, ISBN 978-3-908142-65-2
Weblingg ändere
Commons: Fountains in Basel – Sammlig vo Multimediadateie