Nolwenn Leroy
D Nolwenn Leroy (* 28. Septamber 1982 z'Saint-Renan, Finistère) ìsch a frànzeescha Sàngera, üs bretonnischa Àbstàmmung. Ìhra rìchtiga Nàmma ìsch Nolwenn Le Magueresse. Nolwenn ìsch a tràditionneller bretonnischer Vornàmma.
| Dialäkt: Mìlhüüserisch |
Kìndheit un Jugend
ändereÌhra Vàter, dr Jean-Luc Le Magueresse, ìsch a Profi-Füeßbàller gsìì. Ìhra Müeter heißt Muriel Leroy.
Wahrend ìhrer Kìndheit hàt sa ìn verschìedena Ortschàfta glabt: Kersaint-Plabennec un Guingamp, ìn dr Bretagne, un aui ìn dr Pàrissergegend un ìn Nordfrànkrìch. Ànna 1993, wo sa elf Johr àlt gsìì ìsch, hàn ìhra Eltra gscheida; noh ìsch sa mìt ìhrer Màmma un ìhrem Schweschter Kay uf Saint-Yorre (Allier) ge wohna.
Ìn dr Schüel, z'Vichy, ìsch sa ìn ìhrem Müsiklehrer ufgfàlla: ar hàt ìhra Tàlant scho gmerkt ghàà un uf sim Rot hàt sa dernoh Giiga fànga-n-à lehra. Mìt drizeh Johr àlt, hàt sa ìm Wettbewerb „Les écoles du désert“, vum Gschaft „Cora“, a Priis gwunna: a humànitära Reis vu Gao bis Timbuktu, ìm Mali.
Ànna 1998/1999 ìsch sa a Johr uf Hamilton, ìm Ohio (USA), ge studiara, dur dr Rotary Club.
Kìnstlerischer Laweslàuif
ändereD Nolwenn Leroy hàt ìhra Kàrriera ìn dr „Star Academy“, a Television-Gsàngwettbewerb, ààgfànga. Sechs Monet làng ìsch sa ìm Gsàngunterricht vum dr Profassera Armande Altaï gsìì. Dernoh ìsch sa àn dr zweita Star Academy ààgnumma worra. Àm 21. Dezamber 2002 ìsch sa àls erschta üssakumma. Dur dia Erfàhrung hàt sa mìt beriahmta Kìnschtler känna sìnga, wia zum Beispiel dr Lionel Ritchie, dr Roch Voisine, d Lara Fabian, d Isabelle Boulay, d Vanessa Carlton, d Laura Pausini, dr Umberto Tozzi, dr Calogero, dr Gérald De Palmas, dr Patrick Bruel, dr Patrick Fiori...
Àm 4. März 2003 ìsch ìhra erschta Album üssakumma: „Nolwenn“, wo ìn 600 000 Exemplàra verkàuift worra ìsch. Dr erscht Single, "Cassé", hàt bsundersch a großer Erfolg bikumma[1].
Ìn sim zweita Album, „Histoires Naturelles“, üssakumma àm 5. Dezamber 2005, hàt d Nolwenn Leroy àm Textschriiwa mìtgmàcht.
D Sangera hàt aui mehrera Tour gmàcht, fer ìn beriahmta Spektàkelsàla vor ìhrem Publikum ge sìnga[2].
Àm 6. Dezamber 2010, ìsch s Album „Bretonne“ üssakumma. Do zeigt d Nolwenn Leroy ìhra bretonnischa Àbstàmmung: sa sìngt tràditionella keltischa Liader, ìn regionàla Sproch, wia zum Beispiel „Tri Martolod“.[3] 's ìsch a rìesiger Erfolg gsìì: 1,2 Milliona Exemplàra vu dam Album sìn verkàuift worra.
Diskografie
ändere| Johr | Titel | Chartpositiona | |||
|---|---|---|---|---|---|
| FR | BE | CH | DE | ||
| 2003 | Nolwenn | 1 | 1 | 2 | — |
| 2005 | Histoires Naturelles | 3 | 7 | 44 | — |
| 2007 | Histoires Naturelles Tour | 25 | 21 | — | — |
| 2009 | Le Cheshire Cat et Moi | 26 | 32 | — | — |
| 2010/ 2012 | Bretonne | 1 | 1 | 20 | 13 |
| 2012 | Ô filles de l’eau | 5 | 8 | 35 | — |
Referanz
ändere- ↑ lescharts.com: Cassé (Single)
- ↑ D Nolwemm Leroy ìm „Zenith“ z'Pàris (fr) Archivlink (Memento vom 13. Jänner 2012 im Internet Archive)
- ↑ chartsinfrance.net: keltischa Liader vu dr Nolwenn Leroy
- ↑ lescharts.com: Nolwenn (Album)
- ↑ lescharts.com: Histoires Naturelles (Album) Archivlink (Memento vom 1. Dezämber 2014 im Internet Archive)
- ↑ lescharts.com: Histoires Naturelles (Tour)
- ↑ lescharts.com: Le Cheshire Cat & Moi (Album)
- ↑ lescharts.com: Bretonne (Album) Archivlink (Memento vom 8. Oktober 2014 im Internet Archive)