Notruefnummerä
Ä Notruefnummerä isch en eifach merkbari Telefonnumerä wo en diräkti Verbindig in ä Notruefzentralä erlaubt. Mer chan dadämit also rund umd Uhr und vo überall här im Notfall Hilf aaforderä.
Ä Notruefnummerä bestaht hüüfig nur us wenigä Zifferä, meischtens sinds drü oder vier, dämit sich d'Lüüt si eifach chönd merkä und grad imene Notfall us äm Gedächtnis chönd wähle.
Notruefnummerä i de Schwiiz
ändereDie wichtigschtä Notruefnummerä i de Schwiiz sind die folgendä:
- 117 fürd Polizei
- 118 fürd Füürwehr
- 144 für de Chrankewagä
- 112 als allgemeinä Notruef (Oiropäischi Notruefnummerä)
- 1414 fürd Rettigshelikoptär vo de REGA
- 1415 fürd Rettigshelikoptär vo de Air Glacier
Di Oiropäischi Notruefnummerä 112 funkzioniärt au i de Schwiiz. Allärdings füehrt si nöd zunere spezielle Zentralä, sondern mer wird mit de Polizei verbundä. Es wird drum empfohlä, wenn mer weiss, um was für en Notfall es sich handled, diräkt de zueständige Stell aazlüte. D'Churznummerä 112 funkzioniärt aber au bimene Natel wo gsperrt isch.
Churznummerä i de Schwiiz
ändereNäbed de eigentlichä Notrüef gitts au na wiiteri Churznummerä, wo für wichtigi Dienscht sind:
- 140 für dä Pannädienscht
- 143 für di dargeboteni hand
- 145 für Vergiftigsnotfäll
- 147 für Hilf für Chind und Jugendlichi