Po-Nüünaug
Systematik
Unterstamm: Wirbeltier (Vertebrata)
Chlass: Petromyzontida
Ordnig: Petromyzontiformes
Familie: Nüünauge (Petromyzontidae)
Gattig: Lampetra
Art: Po-Nüünaug
Wüsseschaftlige Name
Lampetra zanandreai
Vladykov, 1955

S Po-Nüünaug oder Lombardisches Bachnüünaug (Lampetra zanandreai oder Lethenteron zanandreai) isch e europäische Süesswasserfisch wo z Italie endemisch isch. Di genetischi Zueornnig isch umstritte. S werd mengisch as en Underart vom Bachnüünaug (Lampetra planeri) bitrachtet, wo äänlich uussiet und nördlich vo de Alpe lebt, mengisch aber au zonere andere Famili grechnet.

Uussie ändere

S Po-Nüünaug isch e schlangenartige dünne Fisch mitere bloiliche Farb, wo 8 bis 19 cm lang werd. Es het e runds Suugmuul und sibe Chieme hinderem Aug.

Verbraitig ändere

S Po-Nüünaug isch im Iizugspiet vom Po endemisch und chunnt nume i Gwässer a de Süüdhäng vo de Alpe z Italie und im Tessin vor. S lebt i subere suurstoffriiche Bäch mit eme sandige oder leemige Grund.

Lebeswiis ändere

D Laichziit goot vom Jänner bis in März, wenn d Wassertemperatur öber 9 Grad stiigt. S Mandli grabt e chliis Nest in Bode. Wenn im Summer d Bäch uuströchnet, vergrabet sich d Laarfe im füechte Grund. Noch vier oder fööf Joor verwandlet sich d Laarfe zo uusgwachsne Nüünauge und höret uuf esse. Si laichet ainisch und sterbet deno.

Büecher ändere