D Rosa „Ossi“ Reichert (* 25. Dezämber 1925 z Gunzesried; † 16. Juli 2006 ebe dert) isch e dytschi Schyyrännlaiferi. D Reichert het zue dr dytsche Sportass vu dr 1950er Johr zellt un isch Olympiasiigeri im Riiseslalom bi dr Olympische Winterspiil 1956 z Cortina d’Ampezzo gsii. Si isch di erscht dytsch Schyy-Olympiasiigeri noch em Zweete Wältchrieg gsii.

LääbeBearbeite

Scho in ire frieje Juged het si d Ossi Reichert fir dr Wintersport begaischteret. In ire Haimet im Allgai het si Hufe Glägehaite fir Schyysport ghaa un het als an irem Huusbärg, em Ofterschwanger Horn, trainiert. Si isch bi dr Olympische Winterspiil 1952 z Oslo mitgmacht un im Slalom hinter dr US-Amerikaneri Andrea Mead-Lawrence (2:10,6 min.) mit 0,8 Sekunde Ruggstand d Silbermedaille gwunne. D Annemarie Buchner, e Teamkollegi vu dr Reichert, het d Bronzemedaille gwunne. Zwai Johr speter het si dr Slalom vu dr SDS-Ränne z Grindelwald gwunne, voreb ire ne Chnoodeverletzig e langi Paus yybrocht het un ire s vorzytig Karriereänd droht het.[1] Wu si wider gsund woren isch, isch d Reichert bi dr Olympische Winterspiil 1956 z Cortina d’Ampezzo iberraschend Erschti im Riiseslalom wore. D Ossi Reichert (1:56,5 min.) het dr Eschtrycheri Josefa Frandl im Ränne 1,3 Sekunde abgnuu. Di Weschtdytsch het bi dr Winterspiil 1956 di ainzig Goldmedaille fir di gsamtdytsch Equipe gwunne. Im nämlige Johr isch d Allgaieri dreimol Dytschi Maischter wore, im Slalom, Riiseslalom un Kumbination. Noch em Änd vu ire sportlige Karriere het d Gaschtwirtsdochter noch em Hotel vu dr Eltere z Gunzesried gluegt. No dr Ossi Reichert sin e Schyyliftaalag un e Abfahrtsstrecki in dr Allgaier Hernergruppe gnännt.

Fir iri sportlige Erfolg isch si am 11. Merz 1952 mit em Silberne Lorbeerblatt uuszaichnet wore.[2]

StatischtikBearbeite

  Disziplin Blatz
Oslo 1952 Riiseslalom 8.  
Slalom 2.  
Cortina d’Ampezzo 1956 Riiseslalom 1.  

WeblinkBearbeite

FueßnoteBearbeite

  1. Ossi Reicherts Ode an die Freude. Handelsblatt, 14. Februar 2010.
  2. Sportbericht vu dr Bundesregierig vum 26. Septämber 1973 an Bundesdag – Drucksache 7/1040 – Syte 78
  Dä Artikel basiert uff ere fräie Übersetzig vu dere Version vum Artikel „Ossi_Reichert“ vu de dütsche Wikipedia. E Liste vu de Autore un Versione isch do z finde.