Otto Funke (Mediziner)

Dr Otto Funke (* 27. Oktober 1828 z Chemnitz; † 17. Augschte 1879 z Fryburg) isch e dytsche Fisolog gsii.

Lääbe ändere

Dr Funke het vu 1846 bis 1851 z Leipzig un z Haidelberch studiert. Anne 1851 isch er z Leipzig mit dr Arbet De sanguine lienis zum Dr. med. promowiert wore, ai Johr speter isch er z Leipzig zum Privatdozänt fir Fisology habilitiert wore. An dr Uniwersitet Leipzig isch er 1853 usserordelige, 1856 ordelige Brofässer fir fisiologischi Chemy wore. Ab 1860 isch er Brofässer fir Fisiology un Zoology an dr Uniwersitet Fryburg gsii. Syt 1858 isch er Mitglid vu dr Chenigli Sägsische Gsellschaft vu dr Wisseschafte gsii.

Em Funke isch s anne 1851 zum erschte Mol glunge, Bluet z krischtallisiere („Funkeschi Krischtall“). Des isch er Vorstapfle zue dr Entdeckig vum Hämoglobin dur dr Felix Hoppe-Seyler gsii. Är het au zue dr Wirkigswys vu dr Bfylgift (Curare) un zue dr Bluetbildig in dr Milz gforscht un uf vyl andere fisiologische Biet.

Dr Funke isch Mitglid un Vorsitzer vum Fryburger Mannehilfsverain gsii.

Wärch ändere

Funke, Otto (1851). Ztschr. f. rat. Med., N. F. 1, 172.
Lehrbuch der Physiologie (7. Ufl. von Grünhagen, Hamburg 1884)
Atlas der physiologischen Chemie (Leipzig 1853, 2. Ufl. 1858), Supplement zue s Lehmanns Lehrbuch der physiologischen Chemie
Kapitel iber dr Taschtsinn un d Gmaingfiel. In: Hermanns Handbuch der Physiologie (Bd. 3, Leipzig 1880)

Weblink ändere

Wärch vu un iber Otto Funke in dr Dytsche Digitale Bibliothek
Übersicht vo de Lehrveraastaltige vo Otto Funke (Mediziner) a de Universität Leipzig (Sommersemester 1853 bis Sommersemester 1860)

Otto Funke (Mediziner) im Professorenkatalog der Universität Leipzig

Dä Artikel basiert uff ere fräie Übersetzig vu dere Version vum Artikel „Otto_Funke_(Mediziner)“ vu de dütsche Wikipedia. E Liste vu de Autore un Versione isch do z finde.