D Bildig vo Bäärli vo Däili


Under Bäärlibildig verstoot mä in dr Däilifüsik d Bildig vom ene reale, beobachtbare Bäärli vo Däili-Antidäili. Die wirtuelle Bäärli, wo immer vorhande si und nume indiräkt chönne beobachtet wärde, si im Allgemäine mit däm Begriff nit gmäint.

Die charakteristischi Spur von ere Bäärlibildig in ere Blööterlichammere. Im ene starken Magnetfäld wird d Baan vo de bäide Laadige zu Spirale gformt, wo sich entgegegsetzt drülle.

Im ängere Sinn verstoot mä under Bäärlibildig d Erzüügig vom ene Elektron-Positron-Bäärli us eme energiiriiche Photon, wo historisch as ersti Bäärlibildig bekannt isch. Hüte kennt mä aber au d Bildig vo Myon-Antimyon- oder Proton-Antiproton-Bäärli. In jedem Fall muess die verfüegbari Energii mindestens so grooss si wie d Summe vo de Rueenergie vo de Däili, wo sölle erzügt wärde, sust cha s nid bassiere.

Em entgegegsetzte Brozäss, wo bin em e Däili-Antidäili-Bäärli vernichdet wird, säit mä Annihilazioon.

Information icon.svg Dä Artikel basiert uff ere fräie Übersetzig vum Artikel „Paarbildung_(Physik)“ vu de dütsche Wikipedia. E Liste vu de Autore un Versione isch do z finde.