Pagliaccio

Dr Pagliaccio isch e Figur us dr italiänische Commedia dell’arte und ghört mit em Arlecchino und em Brighella zu de Zanni oder Zanoni, de Dienerfigure. S Wort wird vom italiänische bajaccia für „Spötterei“ oder bajaccio für „Spötter“ abgleitet.

Pagliaccio, e Figurine vom Maurice Sand

Er isch as Gegegwicht zum dunkelgsichtige und dorum au düüflische Pulcinella iigsetzt worde. Ursprünglig isch er tollpatschig und dumm gsi (en anderi mögligi Härkumft vom Name isch s französische paille hachée für „ghäckselts Strauh“). Er het gärn anderi Figure noochgmacht aber im Lauf vo dr Zit isch die Masgge immer romantischer worde, au wenn er wenn s um d Liebi vo dr Härzensdame goht, immer dr Chürzer zieht. E verwandti Masgge in dr Commedia dell'arte isch dr Pedrolino, en Dienerfigur, wo ehnder dreu und ehrlig isch.

Er het e wiisses Gwand aa, wo meistens vil z gross isch. Er gältet mit em Pedrolino als eine vo de Vorläufer vom Pierrot, wien en öbbe dr Jean-Louis Barrault as Pantomime im Film Kinder des Olymp dargstellt het, nochdäm sich die Figur im französische Theater wiiterentwigglet het und dur e Jean-Gaspard Deburau verfiineret und em Bariser Gschmack aagliche worden isch.

Litratur

• Karl Riha: Commedia dell’arte. Mit den Figurinen Maurice Sands. Insel Verlag, Frankfurt am Main 1980 u. a., ISBN 978-3-458-19007-3

Webligg

Zap A Lot Theater (zur Masgge vom Pedrolino und e baar andere)