Pascal Delannoy
Dr Pascal Michel Ghislain Delannoy 
[paskal miʃɛl ʒislɛ̃ dəlanwa](info) (* 2. Àwrìl 1957 z’ Comines, Département Nord) ìsch a frànzeescher reemisch-kàthoolischer Gaischtlig’r. Zitter 2024 ìsch’r Arzbischoof vu Schtroossburi. Vorhaar ìsch’r Auxiliààrbischoof vu Lille un Bischoof vu Saint-Denis gsìì.
| Dialäkt: Mìlhüüserdiitsch |
sii Laawa ändere
Dr Pascla Delannoy hàt Wìrtschàftswìssaschàft àn dr Kàthoolischa Üniwärsiteet vu Lille gschtudiart. Ar hàt a Maischterpriafung vu da Wìrtschàftswìssaschàft un a Hoochschüalàbschluss vu dr Büachhàltung bschtànda. Ar hàt viar Joohra làng bii’ma Büachhàlter z’ Lille gschàfft un ìsch d’rnooh ìns Priaschterseminààri vu Lille gànga ge schtudiara.
Dr Delannoy ìsch àm 4. Jüüni 1989 ìm Arzbìschtumm Lille àls Priaschter gwäijt worra. Ar ìsch z’äärscht zwai Joohra làng Pfàrrer z’ Roubaix gsìì un ìsch d’rnooh vu 1991 bis 1999 Seelsorgabeufftrààgt’r ìm Bìschtumm gsìì. Naawadràà ìsch’r àb 1997 Diàkon z’ Roubai-Centre un Bailleul gsìì. Ànna 1999 ìsch’r àls Bischoofsvikààr ìn Frànzeesch-Flàndra ärnännt worra, un ànna 2003 àls Diàkon vum Houtlànd.
Àm 30. Jüüni 2004 hàt’na dr Pàpscht Johànnis Paul II. àls Tìtülààrbischoof vun Usinaza ìn Àlgeeria ärnännt. D’ Bischoofswäih hàt dr Delannoy àm 12. Septamber 2004 vum Arzbischoof vu Lille Gérard Defois ämpfànga; d’rbii sìnn d’ Mìtkonsekràtoora dr François Garnier, Arzbischoof vu Cambrai, un dr Jean-Paul Jaeger, Bischoof vun Arras gsìì. Em Delannoy sii bischääflig Wààhlschpruuch lüütet Avec humilité et confiance („Mìt Demüat un Züaversìcht“).
Àm 10. März 2009 ìsch dr Delannoy vum Pàpscht Benedikt XVI. àls Bischoof vu Saint-Denis ärnännt worra — doo hàt’r em Olivier de Berranger noohgfolgt, wo ìm Janner 2009 z’rucktratta gsìì ìsch. Ìnnerhàlb vu dr Frànzeescha Bischoofskùmferanz ìsch’r bis zem 1. Jüüli 2013 Vorsìtzender vum Finànzüssschuss un vum Root fìr wìrtschàftliga, soziààla un rachtliga-n-Ààglaagahaita gsìì. Àm 17. Àwrìl 2013 ìsch’r àls Vorsìtzender vu dr Frànzeescha Bischoofskùmferanz gwählt worra; sii Àmtszitt hàt bis 2019 düürt. Ìm Joohr 2019 ìsch’r Vorsìtzender vum Root fìr Zammahàlt (Conseil pour la Solidarité) gsìì.
Schuu-n-àm Andsjoohr 2023 ìsch bekànnt worra, àss dr Delannoy vìlliicht dr näija Schtroossburjer Arzbischoof wurd waara.[1] Àm 28. Hornung 2024 hàt’na dr Pàpscht Frànsiskus offiziäll àls Arzbischoof vu Schtroossburi ärnännt — d’ Ärnännung hàt dr frànzeescha Schtààtspresidant Emmanuel Macron züagschtìmmt.[2][3] Domìt ìsch dr Delannoy dr Noohfolger vum Arzbischoof Luc Ravel worra, wo ìm Friahjoohr 2023 z’rucktratta gsìì ìsch. Ìn’ma Video hàt dr Àpostoolischer Àdministràtoor Philippe Ballot ain Tààg vor dr offiziälla Ààkìndigung dr Delannoy fìr siina Ärnännung gràtuliart.[4] Dr Delannoy ìsch fiirlig àm 21. Àwrìl ìm Schtroossburjer Mìnschter ìns Àmt iigfhiart worra — doo sìnn dr Nunz Celestino Mgliore un dr Arzbischoof-Bischoof vu Metz Philippe Ballot d’rbii gsìì.[5][6] Àm 12. Àwrìl hàt’r àm Groossa Schtroossburjer Priaschterseminààri gsajt ghàà, àss’r àls Bischoof d’ Ainhait ìm Bìschtumm färdra un ìn da àrma Litt halfa wurd.[7][8][9]
Àm 14. Jüüli 2019 ìsch dr Delannoy Rìtter vu dr Eehralegioon worra.[10]
Lüag àui ändere
Lìteràtüür ìwwer’na ändere
- Christophe Henning: Mgr Pascal Delannoy, un archevêque discret et à l’écoute pour apaiser le diocèse de Strasbourg. In: La Croix. 28. Februar 2024 (französisch, la-croix.com [abgerufen am 30. April 2024]).
Weblìnks ändere
Commons: Pascal Delannoy – Sammlig vo Multimediadateie- Yytrag zue Pascal Delannoy uf catholic-hierarchy.org (englisch)
- dr Pascal Delannoy ìm Pärsoonaverzaichniss vu dr reemisch-kàthoolischa Kìrìch ìm Frànkrììch (frànzeesch)
- dr Pascal Delannoy uff dr Websitta vum Bischtumm Saint-Denis (frànzeesch)
Ainzelnoohwiisa ändere
- ↑ Catherine Piettre: Mgr Delannoy futur archevêque de Strasbourg ? In: L’Alsace. 20. November 2023, abgruefen am 30. April 2024 (französisch). (àui bii da Dernières Nouvelles d’Alsace)
- ↑ Papst Franziskus ernennt einen neuen Erzbischof von Straßburg. In: katholisch.de. 28. Februar 2024, archiviert vom Original am 28. Februar 2024; abgruefen am 28. Februar 2024.
- ↑ Mgr Pascal Delannoy nommé archevêque de Strasbourg. Vatican News, 28. Februar 2024, archiviert vom Original am 2. März 2024; abgruefen am 30. März 2024 (französisch).
- ↑ Catherine Piettre: Le nouvel archevêque de Strasbourg annoncé 24 heures trop tôt. In: L’Alsace. 27. Februar 2024, abgruefen am 30. April 2024 (französisch).
- ↑ Installation de Mgr Delannoy. Arzbìschtumm Schtroossburi, archiviert vom Original am 25. April 2024; abgruefen am 30. April 2024 (französisch).
- ↑ Installation de Mgr Pascal Delannoy : dans la confiance et l’espérance. In: L’Ami hebdo. 25. April 2024, abgruefen am 30. April 2024 (französisch).
- ↑ Catherine Piettre, Jean-Marc Loos: Mgr Delannoy, nouvel archevêque de Strasbourg : d’abord « travailler à l’unité ». In: L’Alsace. 12. April 2024, archiviert vom Original am 30. April 2024; abgruefen am 30. April 2024 (französisch).
- ↑ Catherine Piettre: Mgr Delannoy : « Je sollicite la patience des Alsaciens ». In: L’Alsace. 12. April 2024, abgruefen am 30. April 2024 (französisch).
- ↑ Roni Gocer: Le nouvel archevêque de Strasbourg, Pascal Delannoy, affiche sa fibre sociale. In: Rue89 Strasbourg. 12. April 2024, archiviert vom Original am 22. April 2024; abgruefen am 30. April 2024 (französisch).
- ↑ Décret du 13 juillet 2019 portant promotion et nomination. In: Journal officiel de la République française. Nr. 0162 (französisch, gouv.fr [abgerufen am 30. April 2024]): “M. Delannoy (Pascal, Michel, Ghislain), évêque de Saint-Denis (Seine-Saint-Denis) ; 30 ans de services.”