Hauptmenü ufmache

Dr Peter Marxer (* 11. Merz 1933 z Vadoz; † 30. Mai 2016 z Vadoz) isch e liechestainische Rächtsaawalt un Bolitiker gsii.

LääbeBearbeite

Dr Marxer het vu 1953 bis 1957 an dr Universitet Innschbruck studiert un het dert 1957 zum Dr. iur. promoviert. Derno het er anne 1958 e Rächtspraktikum z Fealdkirch un z Vadoz gmacht. Anne 1959 isch er as Rächtsaawalt z Liechtestai zuegloo wore. Är het derno in dr 1925 vu sym Vater Ludwig Marxer grindete Aawaltskanzlei Marxer & Partner gschafft. Noch em Dod vu sym Vater het er 1962 d Aawaltskanzlei ibernuu.

Vu 1966 bis 1982 isch er fir di Furtschrittli Burgerbartei (FBP) Abgordneter im Landdag vum Firschtetum Liechtestai gsii un het vu 1967 bis 1982 as Fraktionsfierer vu dr FBP fungiert. Vu 1970 bis 1982 isch er Barteibresidänt vu dr FBP gsii.[1]

Ab 1964 isch dr Marxer Gsellschafter un Bresidänt vum Verwaltigsrot vu dr Confida Treuhand- und Revisions-AG z Vadoz gsii un ab 1993 Gsellschafter vu dr Centrum Bank AG. Derzue isch er vu 1993 bis 2011 Bresidänt vum Verwaltigsrot vu dr Centrum Bank AG un ab 2011 Ehrebresidänt vum Verwaltigsrot vu dr Centrum Bank AG.

Em Marxer isch anne 1991[2] dr Titel „Fürstlicher Justizrat“ verlihe wore. Syni Sihn Peter Marxer jun. un Florian Marxer schaffen au as Rächtsaawält.

SchrifteBearbeite

  • Liechtensteinisches Wirtschaftsrecht. Liechtenstein-Verlag, Vaduz/Liechtenstein 2009
  • Mandatum post mortem. Auftrag auf den Todesfall und Todesvollmachten im liechtensteinischen Recht. Shaker, Aachen 1997

WeblinkBearbeite

FueßnoteBearbeite

  1. Persönlichkeiten, die Liechtenstein prägten: Roman Gassner (1929–2008) - Der jüngste Abgeordnete Archivlink (Memento vom 4. Novämber 2014 im Internet Archive) (PDF; 103 kB), 28. Septämber 2010, Liechtensteiner Vaterland
  2. „Goldene Doktoren“ erneuerten ihr Promotionsversprechen, 29. Mai 2007, Internetseite der Universität Innsbruck
  Dä Artikel basiert uff ere fräie Übersetzig vu dere Version vum Artikel „Peter_Marxer_(Rechtsanwalt)“ vu de dütsche Wikipedia.

E Liste vu de Autore un Versione isch do z finde.