Pharmacie au Lys
| Dialäkt: Mìlhüüserdiitsch |
D’ Pharmacie au Lys (; „Àpateek zur Lìllia“) ìsch a histoorisch Àpateekhüüs àm Roothüüsplàtz z’ Mìlhüüsa. ’S ìsch d’ äältschta-n-Àpateek ìm Frànkrììch.[1]
wu ’s ìsch ändere
D’ Pharmacie au Lys lìegt àm Roothüüsplàtz 37 ìn dr Mìlhüüser Àltschtàdt. Sa bfìndet sìch àn dr süüdwäschtliga-n-Äcka vum Plàtz, àn dr Äcka vu dr Bäckergass.
Gschìcht ändere
S’ Hüüs ìsch zem äärschta Mol ànna 1464 urkundlig ärwäähnt worra.[2] Schuu vor’m 17. Joohrhundert hàt’s züa verschìedena Handler gheert. Ànna 1634 ìsch’s vum Tüachfàwrìkànt Henri Risler ìwwernumma worra, wo ’s uffbàuia un vergreessert hàt. Uff dr Fàssààda hàt’r d’ Ààfàngsbüachschtààwa vu siim Namma un vum Namma vu siinera Ehafràui Catherine Hartmann loo iischriiwa, wia àui s’ Dàtum 1634.
Ànna 1649 hàt dr Jean Henri Engelmann ìm Hüüs a Àpateek gäffnet. Sitterhar ìsch ununterbroocha-n-a Àpateek gsìì. Vu 1945 bis 1975 hàt s’ Gschaft zem Härr Kah gheert, un züa dr Fràui Vockel vu 1975 bis 1980. Hìttz’tààgs ìsch doo d’ Àpateek Aux Lys Zielinski, wo zem Simon Zielinski gheert. Jeeder Tààg kumma-n-äbb 350 Kunda.
S’ Hüüs ìsch ìm frànzeescha Generààlverzaichniss vum kültürälla-n-Äärwa glischtet.
Bschriiwung ändere
S’ Hüüs ìsch ìm Schtiil vu dr schpeetera Renaissance bàuia worra.[2][3] S’ Hüüs bschteht üss Kàlkschtai un Sàndschtai. S’ hàt àui Holzelemanta. Ìwwer’m Ardgschooss sìnn zwai Schtäck. S’ làng Sàtteldàch ìsch mìt flàcha Ziagel bdäckt. D’ ìnnera Däcka-n-ìsch mìt Gmalda vu dr zwaita Hälfta vum 17. Joohrhundert ziart. Ìm Ìnnera sìnn àui Meewel vu dr äärschta Hälfta vum 19. Joohrhundert.[2]
Lìteràtüür ändere
- La Pharmacie au Lys - Zur Lillie. In: Claudine Löliger (Hrsg.): Mulhouse: Cœur de l'Europe. FeniXX, ISBN 978-2-402-28493-6 (französisch, google.de [abgerufen am 19. Juni 2022]).
- Léa Van Elslande, Inès Ambil: Place de la Réunion, la pharmacie la plus vieille de France. In: L’Alsace. 6. Oktober 2015 (französisch, lalsace.fr [abgerufen am 19. Juni 2022]).
Weblìnks ändere
- d’ Pharmacie au Lys ìn dr Mérimée-Dàtabànk vum Frànzeescha Kültüürminìschterium (frànzeesch)
- d’ Pharmacie au Lys ìm Generààlverzaichniss vum Elsassischa-n-Äärwa (frànzeesch)
Ainzelnoohwiisa ändere
- ↑ Isabelle Bernier: Découvrez l'histoire des apothicaires. In: Futura Sciences. Abgruefen am 19. Juni 2022 (französisch).
- ↑ 2,0 2,1 2,2 Pharmacie Au Lys à Mulhouse. In: sortie-visite.com. Abgruefen am 19. Juni 2022 (französisch).
- ↑ Explorateurs Mulhouse : les petits trésors du patrimoine. (pdf) Gmaindverwàltung vu Mìlhüüsa, S. 7, abgruefen am 19. Juni 2022 (französisch).
Koordinate: 47° 44′ 49,1″ N, 7° 20′ 16″ O