Phineas Taylor Barnum

Dr Phineas Taylor Barnum (* 5. Juli 1810 z Bethel, Connecticut; † 7. April 1891 z Bridgeport, Connecticut) isch e US-amerikanische Undernähmer, Zirkuspionier und Politiker gsi.

Dr P. T. Barnum, e Foti vom Mathew-Brady-Studio.

Dr P. T. Barnum hät im Johr 1841 s American Museum z New York öbernoo und häts zu aim vo de gröschte Underhaltigsspektakel vom 19. Johrhundert usbaut. I däre Usstellig häts e grossi Aasammlig vo allem gha, wo irgendwie interessant oder kurios gsi isch. Zu sim Erfolg hät em sis Talänt gholfe, alles guet z inszeniere, zäme mit ere offensive Öffentlichkaitsarbet. Jede neu Programmpunkt isch intensiv mit Plakat und i Zytige als „Sensation“ beworbe worde.

Vo 1865 bis 1866 und au vo 1877 bis 1879 hät de Barnum em Repräsentantehuus vo Cennecticut aaghört. Vo 1875 bis 1876 isch er au no Bürgermaischter vo Bridgeport gsii. Er hät 1867 versuecht för d Republikaner in Kongräss z choo. Dodebii isch er aber a sim Cousin William Henry Barnum gschitteret, wo för d Demokrate kandidiert hät.

1885 hät dr Barnum gmeinsam mit em James Anthony Bailey, de Zirkus Barnum and Bailey gründet.

Weblink

 Commons: Phineas Taylor Barnum – Sammlig vo Multimediadateie

• Läbesgschicht vom P. T. Barnum uf circus-weltweit.de