Plural

Als Plural bezeichnét mer in dé Fachsproch d Mehrzahl vo Nomé, Adjektive und d Prónomé in dé 4., 5. und 6. Person. S Wort "Plural" leitét sich vom lateinisché Verb "plus" (im Sinn vo "mehrerí") ab.

Dé Plural im Alemannisché

Nomé

Zur Bildíg vom Plural vo Nomé git s im Alemannisché recht wenígi Reglé. Zwar könné d Endígé durch die folgendé Reglé bstimmt werdé:

• sächlichí Nomé (Neutra) kriegé d Endíg -er
• männlichí Nomé (Maskúlina) kriegé
  • in dé Schwíz meistens keiní Endígé
  • in dé allermeisté dýtsché Dialekte d Endíg -e
• wieblichí Nomé (Femínina) kriegé d Endíg é (je noch Schriebíg au e; Úßsproch: /ə/, im mänké Regíoné au /ε/), wenn sie im Singúlar schó uff é endé, unterscheidét sich d Pluralform nie vom Singúlar.

Ob a, o und u im Plural zu dé Umlúte ä, ö bzw. ü werdé, ka mer durch kei Regel bstimmé.

Bíspiele:

• sächlich: s Kind - d Kinder
• männlich: dé Vókal - d Vokäl (CH), d Vókale (D)
• wieblich:

Wörter wo voschiedéni Bedýtígé hän, aber im Singúlar formgliech sin, hän oft je noch Bedýtíg voschiedéní Endígé. Bíspiel:

dé Band - d Bänd d Band - d Bands s Band - d Bänder

An Fremdwörter und Abkürzígé wird oft d Endíg s aghängt. Bíspiele:

• Fremdwörter: Baby - Babys, Band - Bands
• Abkürzígé: CD - CDs, ICE - ICEs

D Pluralform wird in dé Regel nit an d Fäll (Akkúsativ oder Dativ) apasst.

Adjektive

D Pluralform vo Adjektive kann normalerwíß anhand vo dé folgendé Tabellé bstimmt werdé. Es git fast keini Úßnahmé. D Tabellé gilt für dé Fall dass kei Artíkel do isch (wenn dóch, kunnt in jedem Fall d Endíg -é, je noch Schriebíg au -e)

Gschlecht	Nomínativ	Akkúsativ	Dativ
m, f, n	-í	-í	-é (*)

(*) je noch Schriebíg au -e, Úßsproch: /ə/, im mänké Regíoné au /ε/)

Persónalprónomé

D Persónalprónomé im Singúlar, alsó ich, du, er, sie und (e)s hän au Pluralformé: ich → mir (Akk., Dat. uns) du → ihr (Akk., Dat. euch) er, sie, (e)s → sie, (Akk., Dat. sie)

Plural in anderé Sproché

Hochdýtsch

Wie im Alemannisché isch dé Plural au im Hochdýtsché nur mithilf vo wenígé Reglé z bstimmé. Ob a, o und u zu dé Umlúte ä, ö bzw. ü werdé, isch nit vorúßzsagé. Zu dé Bstimmíg vo dé Endígé ka die folgendí Regel agwendét werdé:

• männlichí Nomé kriegé d Endíg -e
• wieblichí Nomé kriegé d Endíg -(e)n
• sächlichí Nomé kriegé d Endíg -er

Bíspiele:

• männlich: der Hund - die Hunde
• wieblich: die Ratte - die Ratten
• sächlich: das Land - die Länder

Englisch

In fast allné Fäll wird -s aghängt.

Wenn s Nomé uff -y endét, wird die Endíg zu -ies.

Wenn s Nomé uff -fe endét, wird die Endíg zu -ves.

Französisch

Es wird immer d Endíg -s aghängt.

Ítalíenisch

• d Endíg -a wird zu -e
• d Endíg -e wird zu -i
• d Endíg -o wird zu -i

Spanisch

An Nomé wo uff é Vókal endét, wird immer d Endíg -s aghängt. Wenn s Nomé uff é Konsónant endét, wird

• bí wiebliché Nomé d Endíg -as aghängt
• bí männliché Nomé d Endíg -os aghängt

Úngarisch

An Nomé wo uff é Vókal endét, wird immer d Endíg -k aghängt. Für Nomé uff é Konsónant gelté die folgendé Reglé:

• wenn dé letschte Vókal dunkel (a, o, u) isch, kunnt d Endíg -ok, selténer -ak
• wenn dé letschte Vókal é ö oder ü isch, kunnt d Endíg -ök
• wenn dé letschte Vókal é e oder i isch, kunnt d Endíg ek