Polarkräis säit mä de Bräitikräis, wo uf dr Bräiti vo 66° 33′ 44″ (= 66,56°) lige. Im Norde isch das dr nördlig, arktisch Polarkräis und im Süde dr südlig, antarktisch Polarkräis. Uf deene goot d Sunne an de Dääg vo dr Sunnewändi grad nüm uf bzw. grad nüm under. Si häi vom Nord- beziejigswiis vom Südpol dr gliich Abstand wie d Wändikräis vom Ekwator.

D Laag vo de Polarkräis
Polar- und Wändikräis

Am Polarkräis goot d Sunne am Daag vo dr Summersunnewändi nit under. Die Erschiinig, wo me re Middernachtsunne säit, fallt uf dr Nordhalbchugele mäistens uf e 21. Juni und uf dr Südhalbchugele uf e 21. oder 22. Dezämber. Dr Johannisdaag am 24. Juni isch au mit Fest zur Summersunnewändi verbunde.

Am Daag vo dr Wintersunnewändi goot d Sunne am Polarkräis nit uf. Si fallt uf e Daag, wo uf dr andere Ärdhalbchugele d Summersunnewändi isch.

Weblingg ändere

  Commons: Polarkreis – Sammlig vo Multimediadateie
  Dä Artikel basiert uff ere fräie Übersetzig vum Artikel „Polarkreis“ vu de dütsche Wikipedia. E Liste vu de Autore un Versione isch do z finde.