Projekt Gutenberg-DE
S' Gutenberg Projekt bietäd en düütschsprachigä Läseservice met Wärbigä finanziert im Internet a. Debii handelt es sich i dä meischtä Fäll um Text vo Schiftstellär, wo vor meh als 70 Johr gstorbä sind ond' s uf däre ehrnä Wärch jetz kei Urheberrächtsasproch meh get. Set äm Juli 2011 bietäd das Projekt gmeinsam mit ämenä Verlag us Hamburg diä erstä vo däne scho lang vergriffnä Wärch wiedär als Buech a. Bis zom Dezämber 2011 sölled alli Titäl wedär in Buechform erhältlech sii.
Im Gägesatz zum freiä internationalä Project Gutenberg, wo au düütschi Text beinhaltäd, esch jedoch bim Projekt Gutenberg-DE s' abladä vo komplettä Text nid emmer möglich, well d' Firma Hille+Partner Rechte a dä vo ehrä vertriebnä Büecher beasprocht.[1]
S' Projekt Gutenberg-DE dokumäntiert aussärtdem au ned d' Quellenä vo denä gspeichertä Text, so dass diä au ned zom zitierä im Umfäld vo wössäschaftlichä Arbeitä giltäd.
Urhebärrechts Fragä ändere
Trotzdem dass d' Urhebärrechtsaspröch uf denä Wärch scho beräits nöm göltig esch, begröndät d' Firma, dass si än urhebärrechtlichä Asproch för diä Inhalt uf dä Projektsiitä händ, well si diä arbät för Ufberäitig, Verlinkig, met dä Zämmestellig ond dä för d' Firma gschriebnä Zuesätz, wie Erlüüterigä gha händ.
Juristisch isch denä ehrä Urhebärrechtsasproch aber eher ned göltig. Au cha diä Firma käi Urhebärrechtsasproch uf diä Inhalt i dä Büecher aamälde, well diä Text scho beräits gmeinfrei send. D' Frog werd alläfalls den no einisch vomenä Grecht entschiedä werdä müessä.
GaGa – Gmeinsam am Projekt arbäitä ändere
Ebäfalls vo Hille+Partner is läbe gruäfä esch 2004 das Projekt GaGa – Gmeinsam am Gutenberg arbäitä, en Siitä, wo mer zämä versuecht s' Läse zom korigiärä vo Büecher z' organisierä.
Wiä bim Distributed Proofreaders wertäd Büecher scannt ond inerä Texterchännig unterzogä. Met Freiwelligä wird denns Ergäbnis mit äm Original verglichä ond wenn nötig korrigiert. Am 28. Februar 2007 esch diä 500.000 Siite bearbäitäd wordä. Uf dänä vo GaGa erstelltä Text get äs käi Copyright.[2]
Meh dezuä fendsch au ändere
Links im Web ändere
- projekt-gutenberg.org – Websiitä vom Projekt Gutenberg-DE.
- www.gaga.net – Das Projekt GaGa esch en Zuäliefärer förs Projekt Gutenberg-DE.
- www.tredition.de/projekt-gutenberg - tredition verläged diä Wärch us äm Projekt-Gutenberg-DE als neuidruckti Büecher.
Quelläverzäichnis ändere
- ↑ vgl. Copyright-Hinweis der Firma H+P, gutenberg.spiegel.de
- ↑ gaga.net: pgdp bestimmt z. B. am 15. April 2008: „Diä fertigä Text send deshalb ebäfalls frei vo Copyright ond send dämit public domain.“