Alemannische Wikipedia

QUINT Magazin

S QUINT Magazin isch e Basler Schielermagazyyn.

S'Schriftzuglogo vom Verain QUINT

S'isch s'europawitt grösste Printmedium, wo ussschliesslig dur Schieler produziert wird. Jööhrlig wärde zwüsche drey und vier Ussgoobe publiziert.[1][2]

Entstehig

ändere

Im Johr 2017 isch d'Idee fürs Magazyyn während ere Diskussion vom Stanislaw Zytynski, em Nima Zarnegin und ihrer Klasselehrerin Barbara Schmitz über postfaktischi Politik und populistischi Mediebrichterstattig entstande. Bsunders d'Unzueverlässigkait vo de Medie isch e wichtige Gsprööchsgegestand gsy.[1]

Nach dääre Diskussion hän dr Stanislaw Zytynski und dr Nima Zarnegin drmitt aagfange, ihri Mitschielerinne und Mitschieler aazspräche, und so e ersti Redaktion, bschdändig uss säx Persone, zämmezstelle.[1]

Verain

ändere

Zums Magazin unterstütze, hän sie dr gemainnützigy Verain QUINT (friehner "Cerisier") gründet. Sytdäm het sich s'Team stetig vergrösseret und bestooht mittlerwyyle uss Dutzende Mitglieder uss allne Basler Gymnasie und Fachmaturitätsschuele.[1]

Produggt

ändere

Aktiv an de Magazyyn bedailigt sin jewyyls zwüsche 20 und 30 Jugendlichi.[2]

Jeedi Ussgoob drääit sich um e bestimmts Thema, wie zum Byspiil: Laideschaft[3], Syschdeem[4], oder dr Umgang mit Gschicht und Territorialrächt[5]. Daas Thema wird denn im ganze Heftli in Form vo Artikel behandlet. S'Magazyyn wird mit Grafike, Bilder und wittere Illustratione gstaltet. In jedere'n Ussgoob findet sich au e Politik- sowie e Kulturdail.[1]

Verdailig

ändere

D'Ussgoobe vom Magazyyn wärde in Mittelschuele in Basel verdailt und ussgleggt und erraiche'n eso bis zu 13'000 Schieler und Schielerinne[6] im ganze Kanton Basel-Stadt. QUINT het dodrfyyr Zyttigsboxe'n uffgstellt. Pro Ussgoob wärde'n öbbe 1'500 Exemplaar druggt.[1]

Sämtligi Artikel, alle bisher publizierte Magazyyn, sowie Multimediaproduktione wärde'n usserdäm uff dr Websitte und Social-Media-Konti vo dr Schielerorganisation veröffentlicht.

Eebefalls glischdet wärde die veröffentlichte'n Artikel in de Datenbanke vo dr Schwyzer Mediedatebangg und Swissdox.[7]

Finanzierig

ändere

QUINT finanziert sich dur Inserat in de Magazyyn sowie dur Unterstützig von Gönner und Gönnerinne. Ein Byspiil dodrfyr isch d'Sulger-Stiftig, wo d'Druckkoste'n übernimmt.[8][2]

Dr Verain QUINT isch besträbbt, langfristigi Partnerschafte'n yyzgoo, zum d'Finanzierig vo wyttere Projäggt, wie die Videoabtailig, z sichere.[1]

Vorstand

ändere

Quint wird voneme Vorstand glaitet. Im Letschtere sin d'Abtailige Finanze, Online, Social Media, Lektorat und d'Chefredaktion Mitglied verdrätte.[1]

Im aktuelle Vorstand nämme'n Yysitz[9]:

  • Helena Quarck (Presidäntin)
  • Celina Reinau (Vizepresidäntin)
  • Yannick Emmanuel Hautle (Byysitzende)
  • Joëlle Schneider (Kassière)
  • Katharina Faber (Byysitzendi)
  • Milo Tobler (Byysitzende)

Alumni

ändere

Zu de'n Alumni vom Verain QUINT ghööre einigi bemerkenswärti Journaliste, Politiker, und Aktiviste.[10]

Under andere:

  • Nadia Tamm, Autorin
  • Andrea Marti, Journalistin[11]
  • Jonas Lüthy, Politiker[12]
  • Philippe Kramer, Politiker/Aktivist[13]
  • Christian Dimitrov, Student

Quälle

ändere
  1. ↑ 1,0 1,1 1,2 1,3 1,4 1,5 1,6 1,7 Über uns. In: QUINT online. Abgruefe am 17. Januar 2023 (Hochdütsch).
  2. ↑ 2,0 2,1 2,2 Basels angehende Medienprofis. 31. Mai 2022, Abgruefe am 17. Januar 2023. (Hochdütsch)
  3. ↑ Ausgabe 11: Leidenschaft. (https://www.quint-online.ch/magazine/ausgabe-11-leidenschaft/) In: QUINT online. Abgruefe am 17. Januar 2023 (Hochdütsch).
  4. ↑ Ausgabe 12: System. (https://www.quint-online.ch/magazine/ausgabe-12-system/) In: QUINT online. Abgruefe am 17. Januar 2023 (Hochdütsch).
  5. ↑ Ausgabe 3: Territorium. (https://www.quint-online.ch/magazine/1362/) In: QUINT online. Abgruefe am 17. Januar 2023 (Hochdütsch).
  6. ↑ Klassen- und Schülerstatistik 2022. Statistisches Amt des Kantons Basel-Stadt. Abgruefe am 18. Januar 2023 (Hochdütsch).
  7. ↑ Quint im Swissdox-Medienarchiv. In: Swissdox. Abgruefe am 17. Januar 2023 (Hochdütsch).
  8. ↑ Gönner & Partner. In: QUINT online. Abgruefe am 17. Januar 2023 (Hochdütsch).
  9. ↑ QUINT Magazin auf Instagram: "[...] Wir freuen uns aber riesig den Vorstand für 2022/2023 zu präsentieren! Helena Quarck (Präsidentin), Celina Reinau (Vizepräsidentin), Joëlle Schneider (Kassière), Katharina Faber (Beisitzende), Yannick Hautle (Beisitzender), Milo Tobler (Beisitzender) [...]". Abgruefe am 17. Januar 2023. (Bildunterschrift uff Hochdütsch)
  10. ↑ Alumni. In: QUINT online. Abgruefe am 17. Januar 2023 (Hochdütsch).
  11. ↑ Andrea Marti. LinkedIn. Abgruefe am 17. Januar 2023.
  12. ↑ Jonas Lüthy. LinkedIn. Abgruefe am 17. Januar 2023.
  13. ↑ Philippe Kramer. Abgruefe am 17. Januar 2023.
Vun "https://als.wikipedia.org/w/index.php?title=QUINT_Magazin&oldid=1033611"