Römischi Kurie
As Römischi Kurie (lat./ ital.: Curia Romana) wird sit öbben em 11. Joorhundert d Gsamthäit vo de Läitigs- und Verwaltigsorgan vom Häilige Stuel für die römisch-katholischi Chille bezäichnet. Hützudaag bestoot si under anderem us deene Dikasterie (Ämter): em Staatssekretariat, de Kongregazioone, de Grichtshööf, de bäbstlige Rööt, de Kurialämter, de bäbstlige Kommissione, de interdikasteriali Kommissioone und de bäbstligi Akademie und Hochschuele.
S Amt wo politisch am wichdigste isch, isch s Staatssekretariat, wo für die diplomatische Beziejige vom Häilige Stuel zu andere Staate verantwortlig isch und für d Politik vom Häilige Stuel und eso au vo dr Vatikanstadt. D Dikasterii, wo wenigstens bi Nidkatholike am umstrittenste isch, isch d Kongregazioon für d Glaubensleer (lat.: Congregatio pro doctrina fidei, vilmol churz nume Glaubenskongregazioon). Si isch vom Papst Paul III. mit dr Apostolische Konstituzioon Licet ab initio vom 21. Juli 1542 as Congregatio Romanae et universalis Inquisitionis (dt. Kongregazioon vo dr römische und allgemäine Inquisizioon) gründet worde mit dr Ufgoob, die katholischi Chille vor Heresie, also abwiichende Glaubensvorstellige, z schütze.
Weblingg
ändere- Römischi Kurie vom Häilige Stuel
- Übersicht über die Römischi Kurie
- Katholische Kirche in Deutschland: Die Römische Kurie
- Reed vom Giovanni Lajola über e Ufbau vo dr Kurie
- Kurie uf de Websyte vo de Dütsche Bischofskomferenz
- Bäbstligi Kanzleireegle