Rönggestraalig

Rönggestraalig bezäichnet elektromagnetischi Wälle mit Energie zwüsche 5 keV und e baar 100 keV, entsprächend Wällelengene zwüsche 0,25·10⁻⁹ m (0,25 Nanometer) und öbbe 10⁻¹² m (1 Pikometer). Rönggestraale lige im elektromagnetische Spektrum zwüschen em ultraveielette Liecht und dr Gammastraalig, und überschniide sich mit dere zum Däil.

Rönggenufnaam vo dr lingge Hand vom ene 10-Jöörige mit säggs Finger (Hexadaktylie)

D Entdeggig und dr Naame

D Rönggestraalig isch am 8. Novämber 1895 vom Wilhelm Conrad Röntgen entdeggt worde und iire Naame iim zu Eere im dütschsproochige Ruum und fast überall in Middel- und Ostöiropa überchoo. In andere Sproochrüüm wird si hüfig mit em Begriff X-Straale bezäichnet, wie s dr Röntge sälber au gmacht het. D Rönggestraalig isch en ionisierendi Straalig und dorum in gröössere Doose gföörlig für Lääbewääse.

Aawändig

D Rönggestraale si e wichdigs diagnostischs Instrumänt, nid nume in dr Medizin, wo s Durlüüchde vili körperligi Brobleem cha ufzäige, sondern au in dr Technik, dr Materialfüsik, dr Chemii, dr Biochemii, dr Kristallografii und in andere Wüsseschafte, wo mä mit Hilf vo wie d Rönggestraale bügt wärde, d Struktur besser cha verstoo. In dr Medizin wärde Rönggestraale au iigsetzt, zum Chräbsgschwüür abzdööde.

Litratuur

• Ch. R. Friedrich: 100 Jahre Röntgenstrahlen. Erster Nobelpreis für Physik. In: Materialwissenschaft und Werkstofftechnik. Band 26, Nr. 11–12, 1995, ISSN 0933-5137, S. 598–607, doi:10.1002/mawe.19950261106. 
• Karl Heinrich Lieser: Einführung in die Kernchemie. 3. Auflage. Wiley-VCH, 2000, ISBN 3-527-28329-3, S. 143. 
• Monika Dommann: Durchsicht, Einsicht, Vorsicht: Eine Geschichte der Röntgenstrahlen, 1896-1963, Chronos, Zürich, ISBN 3-0340-0587-3 (Au e Dissertation an dr Uni Züüri 2002).

Weblingg

 Commons: Rönggestraalig – Sammlig vo Multimediadateie

• Grundlagen der Röntgendiagnostik (Memento vom 6. März 2008 im Internet Archive)
• Die Fluoreszenz Analyse der DNA-Entwindung (FADU) als Verfahren der biologischen Dosimetrie (PDF; 2,2 MiB)
• Röntgenstrahlung – eine Einführung mit interaktiven Experimenten (Memento vom 19. Juni 2008 im Internet Archive) – Universität Ulm, Archiv-Version vom 19. Juni 2008
• Das „Glossar Strahlenschutz“ vom Forschigszentrum Jülich erkläärt vili Begriff us em Straaleschutz.
• DESY: Öffentlichkeitsarbeit zur Röntgenstrahlung