RJ-45

De RJ-45 oder au LAN-Stecker isch eine vo de wichtigschte Steckverbindige imene LAN-Netzwerk.

En typische RJ-45 Stecker

Herkunft

De RJ-45 Stecker isch i de 70-er Jahre vo «Bell Laboratories America» entwicklet worde. D Bell Laboratories sind en Teil vo de Forschigs- und Entwickligsabteilig vo Alcatel-Lucent in Amerika.

Vor- und Nachteil

Vorteil

Es RJ-45 Kabel isch im Vergliich zumene Glasfaserkabel sehr flexibel und belastbar und isch drum für sehr engi Kurve oder Bügige geignet. En andere Vorteil isch, das es sehr billig isch und das mers fascht i jedem Elektronik- bzw. Informatik-Gschäft überchunnt.

Nachteil

Es RJ-45 Kabel isch um einiges langsamer wenn mers mit ere neuwertigie jedoch au türe Glasfaserleitig (oder au Liechtwelleleiter gnennt) vergliicht. Ebafalls hets kei extrem grossi Riichwiiti und mues schnell vomene sogenannte Repeater erneueret werde, jedoch isch die Riichwiiti vo öppe 100–150 Meter für es chlises Büro oder e Informatik-Abteilig no vollständig uusrichend. Problemtisch wirds erscht ab grössere Netzwerk wie MAN oder WAN.

Verwendig

De RJ-45 Stecker wird zemme mit Twisted-Pair-Kabel iigsetzt, und isch für d Verbindig zwüschet mehrere Grät oder Clients imene Netzwerk zueständig. Ebefalls zueständig isch er für de Internetzuegang, zemme mit em Router und em Switch.

Weblink

 Commons: RJ-45 Stecker – Sammlig vo Multimediadateie