Radamisto

Radamisto (HWV 12a/12b) isch en Opere (Opera seria) in drei Akt vom Georg Friedrich Händel. Si isch zum erste Mol 1720 am King's Theatre in London ufgfüert worde. In dr Opere goot s um d Macht vo dr Liebe in dr Ee, dr Dröiji und em Widerstand gegenüber eme Türann und wie Grossmuet und Vergee über d Raach cha uusegoo.

S Reschiibuech für d Uruffüerig vo Radamisto in London, 1720 (Victoria and Albert Museum)

Die vier Fassige vo dr Opere

D Opere isch in vier Fassige ufgfüert worde: 1720 mit dr Margherita Durastanti as Radamisto, im Dezämber vom gliiche Joor mit em Senesino in dere Rolle und dr Durastanti as Zenobia, 1721 mit chlinere Ändrige und 1728 mit grössere Andrige und wider mit em Senesino in dr Hauptrolle.

Z Hamburg

Am Theater am Gansmäärt isch dr Radamisto vo 1722 bis 1736 drissig Mol ufgfüert worde. Dr Johann Mattheson, e Fründ vom Händel, het sä iidütscht und bearbäitet.

S Libretto

Dr Nicola Francesco Haym het sich uf elteri italiänischi Kwelle gstützt, wo alli uf de Annale vom römische Gschichtsschriiber Tacitus (Annales, XII, 44–51) basiert häi.Es isch im Früelig 1720 fertig worde.

D Muusig

D Opere bestoot us ere Uwertüüre im franzöösische Stil und je noch dr Fassig 27–29 Arie, 2–3 Ariosi, 1–2 Duett, eme Kwardett, eme Accompagnato, ere Sinfonia und eme Choor am Schluss. Es gseet us wie wenn s Ballettiilaage gee het, z. B. e Passepied and Rigadoon vor em Choor.

Litratuur

• Winton Dean, John Merrill Knapp: Handel’s Operas 1704–1726. The Boydell Press, Woodbridge 2009, ISBN 978-1-84383-525-7. (englisch)
• Silke Leopold: Händel. Die Opern. Bärenreiter-Verlag, Kassel 2009, ISBN 978-3-7618-1991-3.
• Arnold Jacobshagen (Hrsg.), Panja Mücke: Das Händel-Handbuch in 6 Bänden. Händels Opern. (Band 2), Laaber-Verlag, Laaber 2009, ISBN 3-89007-686-6.
• Bernd Baselt: Thematisch-systematisches Verzeichnis. Bühnenwerke., in: Walter Eisen (Hrsg.): Händel-Handbuch: Band 1, Deutscher Verlag für Musik, Leipzig 1978, ISBN 3-7618-0610-8 (Unveränderter Nachdruck, Kassel 2008, ISBN 978-3-7618-0610-4).
• Christopher Hogwood: Georg Friedrich Händel. Eine Biographie (= Insel-Taschenbuch 2655), aus dem Englischen von Bettina Obrecht, Insel Verlag, Frankfurt am Main/Leipzig 2000, ISBN 3-458-34355-5.
• Paul Henry Lang: Georg Friedrich Händel. Sein Leben, sein Stil und seine Stellung im englischen Geistes- und Kulturleben. Bärenreiter-Verlag, Basel 1979, ISBN 3-7618-0567-5.
• Albert Scheibler: Sämtliche 53 Bühnenwerke des Georg Friedrich Händel, Opern-Führer. Edition Köln, Lohmar/Rheinland 1995, ISBN 3-928010-05-0.

Weblingg

• Partitur vo Radamisto (Händel-Wärkusgoob uusegee vom Friedrich Chrysander, Leipzig 1875)
• Radamisto: Note im International Music Score Library Project.
• Libretto (PDF; 387 kB) vo Radamisto
• witeri Aagoobe über Radamisto (1. Fassig)
• witeri Aagoobe über Radamisto (2. Fassig)
• Handlig und Hindergrund vo Radamisto (änglisch)
• Libretto Hamburg 1726 (Site cha nüme abgrüeft wärde; Suche im Webarchiv)[1] [2] Vorlage:Toter Link/books.google.de

Dä Artikel basiert uff ere fräie Übersetzig vum Artikel „Radamisto“ vu de dütsche Wikipedia. E Liste vu de Autore un Versione isch do z finde.