Radio Rostfrei Freiburg

Radio Rostfrei isch ä Seminar im Seniorenschdudium an de Friburger Pädagogische Hochschuel, wu Seniore Radio mache chönne. Un zwar sit 2006 mache Seniore ä angaschierdes Programm. Diä Sendige cha mer höre jede erschde Dunschtig im Monet uf UKW 88,4 MHZ vo 10–11 Uhr im Ruum Friburg. Diä Redaktionsmitglider träffe sich jede Mittwoch an de PH, um Idee in Theme un Theme in Beidräg z verwandle. Dodebi gitts keini Ischränkige. Was interessierd, cha zum Thema gmachd wärde.

Theme sin zum Beischpiel Hiwiis zue Kulturveraschdaldige, Reiseberichde, Glosse, Umfrooge, Inderviews, persönligi Erläbnis, kurzum vil unterhaltsami Berichd, wu uss em Läbe griffe sin. Zwüsche de Beidräg gitts fätzigi Musik un au ä mol Klassik, wänn gwünschd.

Ä Schdund lang mache Seniore nit nur für Seniore ä Sändig un Interessierdi sin härzlig derzue iiglade innerhalb vom Summer- un Wintersemeschder vorbi zluege un mitzmache. D Vorussetzunge sin Freud an de Sproch, Interesse a Produkzion un Rezepzion vo Medie, Vorerfahrige sin nit notwendig un de Istiig isch jederzitt möglich.

Weblink ändere