Dr Riinacher Hoof an dr Santihanns-Vorstadt z Baasel
Koordinate: 47° 33′ 44,9″ N, 7° 35′ 6,5″ O; CH1903: 611027 / 267985
| Dialäkt: Baseldütsch |
Dr Riinacher Hoof isch e historischs Huus an dr Santihanns-Vorstadt 3 im Baasler Vorstedtkwardier. Er zellt as äis vo de Baasler Kulturgüeter, wo für d Region vo Bedütig si.
Baugschicht
ändereDr Naame vo dr Liigeschaft in dr «Vorstadt zum Chrüz», wie d Santihanns-Vorstadt im spoote Middelalter ghäisse het, isch ursprünglig «Landsbärg» gsi. Si isch immer wider witerverkauft worde, so het si im 16. Joorhundert emol de Schalers ghöört. S hütige Geböid isch 1858 im barocke Stiil baut worde. Es wer denn fast abgrisse worde zämme mit andere historische Geböid uf dr westlige Stroossesite wie em Middlere und Chläine Ulm, em Erlacherhoof, em Fromonterhoof und em Antonierhoof, wil d Stadtblaanig e starki Verbräiterig vo dr Santihanns-Vorstadt vorgsee het, für dass dr Verkeer nid behinderet wurd, wo sit em spoote 19. Joorhundert stark gwaggse isch. S isch denn aber nid eso khoo.[1]
2014 isch dr Riinacher Hoof zum letschte Mol renowiert worde.[2]
Im Geböid het s hüte Büro und Braxene.
S Gitter im Stiil vom spoote Rokoko, wo vor em Riinacher Hoof gsi isch, stoot hüte vor em Baasler Staatsarchiv.[3]
Lueg au
ändereFuessnoote
ändere- ↑ «Wiederherstellung von Basler Altstadthäusern» in Heimatschutz - Patrimoine, Band (Jahr): 34 (1939-1940), Heft 6-7
- ↑ [1] (Site cha nüme abgrüeft wärde; Suche im Webarchiv)
- ↑ Staatsarchiv Archivlink (Memento vom 25. März 2016 im Internet Archive)