Dr relativistischi Impuls

Dr relatiwistischi Impuls $\mathbf {p}$ vom ene Däili mit dr Masse $m$ hängt in dr spezielle Relatiwidäätstheorii vo sinere Gschwindikäit $\mathbf {v}$ ab, aber die Relazioon isch nid linear

$\mathbf {p} =\gamma m\mathbf {v} ={\frac {m\,\mathbf {v} }{\sqrt {1-{\frac {\mathbf {v} ^{2}}{c^{2}}}}}}\,.$

wo $\gamma$ dr Lorentzfaktor isch.

Dr Impuls in dr klassische Mechanik as Sonderfall vom relatiwistische Impuls

Für nit relativistischi Gschwindigkäite $(v\ll c)$ isch $\gamma$ braktisch gliich 1 und het kä Iifluss. So bechunnt mä für chliini Gschwindigkäite en Aanööcherig zum Impuls us dr klassische Mechanik

$\mathbf {p} _{\text{Newton}}=m\,\mathbf {v} \,.$

Wenn e Chraft $\mathbf {F}$ im Lauf vo dr Zit uf e Däili en Impuls überdräit, so änderet sich dur daas si Impuls. Chraft isch s Überdrääge vo Impuls pro Zit,

$\mathbf {F} ={\frac {\mathrm {d} \mathbf {p} }{\mathrm {d} t}}\,.$

D Impulserhaltig

Bim Zämmebutsche und andere Wäggselwirkige vo Däili isch dr Impuls im ene gschlossnige Süsteem en additivi Erhaltigsgröössi: d Summe vo de Impuls vor dr Wäggselwirkig isch gliich grooss wie d Summe vo de Impuls nochhär.

Noch em Noether-Theorem ghöört zur Impulserhaltig, ass d Wirkig sümmetrisch isch, au wenn s im Ruum Verschiebige git.

Dä Artikel basiert uff ere fräie Übersetzig vum Artikel „Relativistischer_Impuls“ vu de dütsche Wikipedia. E Liste vu de Autore un Versione isch do z finde.