Rila

S Rila-Gebirg (bulgar. Рила) isch es Gebirg im Südweschte vo Bulgarie. De höchsti Gipfel isch de Musala mit ere Höchi vo 2925 m. Rila isch s höchsti Gebirg uf de Balkanhalbinsle.

D Laag vom Rila-Gebirg uf em Balkan

S Bild vom Rila-Gebirg wird dur fascht immer schneebedeckti Gipfel, zackigi Felsforme, tüüfi Schluchte und yysigi Bärgseee prägt. Es het usserdäm e Villzahl a Mineralquällene. Die heissischti Quälle (102 °C) befindet sich z Sapareva Banya. Ybettet i die waldbedeckte Gebirgshäng liit s Rila-Chloster, es orthodoxes Chloschter us em 10. Jahrhundert, wo zum UNESCO-Wälterb ghört. Am Südrand vom Rila-Gebirg ligged zwei Wintersportgebiet, Bansko und Raslog.

De Artenrychtum im Gebirg isch gross. Me gfindt u. a. Bäre, Wildsüü, Luchs, Geisse, Hirsche, Falke und Adler.

Im Rila befindet sich meh als 150 Seee i Höchene zwüsche 2100 und 2500 m. De höchsti See liit uf 2709 m am Fuess vom Musala. S Rila-Gebirg isch de Ursprung vo de Flüss Mariza, Iskar und Mesta.

• 
  Blick uf Kostenez am Fuess vom Rila-Gebirg
• 
  Die Siebe Seee im weschtliche Teil vom Rila-Gebirg
• 
  I dem Tal liit d Quälle vo de Mariza
• 
  S Rila-Chloschter
• 
  De Wäg zum Rila-Chloschter
• 
  Tourischte uf em Wäg zum Musala-Gipfel
• 
  De Maljowiza-Gipfel isch beliebt bi de bulgarische Bärgschtyger

Weblink

 Commons: Rila – Sammlig vo Multimediadateie

• De Rila-Nationalpark
• S Rila-Chloschter
• Rila-Fotis

Dä Artikel basiert uff ere fräie Übersetzig vum Artikel „Rila“ vu de dütsche Wikipedia. E Liste vu de Autore un Versione isch do z finde.