Siddytschi Vogelwarte
Di Siddytsch Vogelwarte (dt. Süddeutsche Vogelwarte) isch e privati Vogelwarte z Radolfzell am Bodesee gsii.
Anne 1919 isch unter anderem uf Initiativ vum Dr. Kurt Floericke dr Förderverein Süddeutsche Vogelwarte e. V. grindet wore. D Zytschrif vum Verain het Mitteilungen über die Vogelwelt ghaiße. D Vogelwarte sälber isch am 13. Oktober 1928 z Radolfzell wore. Im dertige Scheffelschlessli uf dr Halbinsle Mettnau het mer e Beobachtigsstation yygrichtet. Mitgrinder vum Verain un Vorsitzer vu 1931 bis 1938 isch dr Johann Nikolaus von Bodman (1903–1988) gsii.
S Rychsnaturschutzgsetz vu 1935 het nume no vorgsää, ass di drei Kischtevogelwarte uf Helgoland, z Rossitten un uf Hiddensee solle blybe. Si hän s Privileg iberchuu, ass si hän derfe Vegel Ring aalege. Dodermit het di Siddytsch Vogelwarte iri Exischtänzgrundlag verlore ghaa. Us finanziälle Grind isch di dodmol ainzig dytsch Vogelwarte im Binneland scho zeh Johr noire Grindig wider zuegmacht wore.
Di Siddytsch Vogelwarte het nyt z due mit dr spetere Vogelwarte Radolfzell, wu dodrus entstande isch, ass d Vogelwarte Rossitten anne 1946 in s Wasserschloss z Megginge verlait woren isch.
Weblink ändere
|
Dä Artikel basiert uff ere fräie Übersetzig vu dere Version vum Artikel „Süddeutsche_Vogelwarte“ vu de dütsche Wikipedia. E Liste vu de Autore un Versione isch do z finde. |