Sändwitsch

E Sändwitsch isch en Imbiss, wo us zwäi oder meer dünne Brotschiibe bestoot, wo mä Anke druf striicht und wo s zwüschen e irgend e Belaag het wie chalte Broote, Schingge, Duunfisch, Chees, Schiibe vo Äier, Gurke oder Domate, Chopfsalaat oder e Kombinazioon vo deene. Mänggisch duet mä no Majonees oder Ketschap druf. Für klassischi Sändwitsch brucht mä mäistens Doostbroot ooni Rampf, wo mä aber nit rööstet. Die belegte Schiibe schniidet mä hüfig diagonal in Dreiegg. Sändwitsch isst mä im Allgemäine vo Hand.

Ursprünglig isch s Sändwitsch Däil vo dr änglische Chuchi gsi, hützudaag isch es internazional verbräitet.

Dr Naame ändere

Woorschiinlig het s Sändwitsch si Naame vom John Montagu, em vierte Earl of Sandwich überchoo. Dä britisch Staatsmaa isch aagääblig e liideschaftlige Chartespiiler gsi, wo dr Legände nooch 1762 wäärend eme Cribbage-Spiil käi Zit für s Ässe ghaa häig. Dorum häig er s Ässe zwüsche zwäi Schiibe Broot lo due, und sini Mitspiiler häige aagfange, e „Broot wie Sändwitsch“ z verlange. Noch eme Biograaf vom Montagu häig dä woorschinlig s Sändwitsch erfunde, zum nid sini Arbet am Schribdisch müesse underbräche.

Weblingg ändere

Commons: Sandwiches – Sammlig vo Multimediadateie

250 Jahre Sandwich: Einen Toast auf die Gurke!, Artikel von Michael Juhran in Spiegel Online, 25. April 2012

Dä Artikel basiert uff ere fräie Übersetzig vum Artikel „Sandwich“ vu de dütsche Wikipedia. E Liste vu de Autore un Versione isch do z finde.