Saublõtèrè
Saublõtèrè (odder am Hochrhy Sùblõtèrè) wörred i dè schwôbisch-alemannischè Fasnet gnõ, wo vo dè Häsdrääger an ènèmè Steggè odder an èrè Schnùr meischtens übber m Grind gschwaait wörred. D Saublõtèrè wörd uss dè Blõtèrè von èrè gmetzgetè Sau gmacht, i dèm d Blõtèrè liecht ufblose und dänn a dè Luft è bitzeli dröchnet wörd. Durch s Dröchnè volyrt d Blõtèrè èn Huufè Füüchtigkeit un d Hutt wörd durch sell vill stabiler. È guèt abghangèni Blõtèrè cha so trotz intensivem Gebruuch è ganzi Fasnetsaison odder länger hebbè.
Sùblõtèrè sin je nõch Dröchenzit mittel- bis dunkelgääl, länglich-oval un öppè 30–40 cm lang. Als Stèggè wörd mèngmòl èn Geißelzopf bruucht, ein uss Widèäscht gflochtènè Zopf, wo urschprünglich d Fungtion von èrè Geißlè ghaa hèt. D Geißlè isch stabil, abber seer flexibel, asè ideal für s Schwaaiè vo dè Sùblõtèrè geignèt.
Vor è baar Johr sin au mengmòl Rindsblõtèrè für d Fasnet vowendèt worrè, selli sin fascht wyß un vill größer wiè d Sùblõtèrè, sin au oval, hèn abber ca. 50–60 cm i dè Längi. Dè Nõchdeil vo dè dünnèrè Hutt macht selli Blõtèrè abber ekstreem inschtabyl, dõrum isch si fascht völlig bi dè Fasnet voschwundè.
Mit dè Saublõtèrè cha Lärm gmacht wörrè, si diènt abber hauptsächlich dezuè, am Umzùg Passantè odder anderi Narrè zu schlaa.[1] S bruucht allerdings einigi Übung, nu mit dè Blõtèrè, un nit mit dè Geißlè odder èm Stèggè z schlaa, well selli èm „Opfer“ zimli wee machè chönnèd.
Weblingg
ändere
Commons: Saublõtèrè – Sammlig vo Multimediadateie- Sǖ(w)blātereⁿ, Schwyzerisches Idiotikon, Bd. 5, Sp. 208
- Saüblotere, Els. Wb., Bd. 2, Sp. 170a
Einzelnõchwys
ändere- ↑ Die Elzacher Fasnet und ihre Narrenzunft, im Narrèschpiègel vo 1998. Archiviert vom Original am 23. Januar 2009; abgruefen am 10. Februar 2015.