Hauptmenü ufmache
Suser

Unter Suser verstoot me e Truube-Moscht, wo grad het afo gääre. Im Prinzip gälte alli Zwyschestuefe vom Truubemoscht bis zum duregoorene Wy als Suser. Es git en us wysse und roote Truube.

SynonymBearbeite

  • Sauser
  • Suser
  • Fäderewysse
  • Sturm
  • Neue Wy
  • Bremser
  • Bitzler
  • Krätzer
  • Neue Siesse
  • Nejer Siesser

HärstelligBearbeite

Dr Truubemoscht foht durch die natürlig enthaltene oder au zuegsetzte Hefe rächt schnäll noch dr Prässig afo gääre. Dodrby wärde die verschiedene Zugger zu Alkohol und Kohlesüüri umgwandlet. Dä Prozäss isch stark temperaturabhängig, je kieler desto langsamer got är vor sich. Ab eme Alkoholghalt vo öbbe 4% kunnt är in Verkauf. Aber ebbe: er gäärt denn no wyter, bis dr ganzi Zugger abbaut isch. Me kha dr Prozäss während dr Gäärig dur Pasteurisierig stoppe und so dr Suser au in verschlossene Fläsche z. B. in Grossverteiler aabiete. Sunscht mien d'Fläsche unverschlosse transportiert wärde, wyl s'si sunscht verjage dät.

KulinarischsBearbeite

Suser schmeggt dur die enthalteni Kohlesüüri rächt sprützig, am Aafang no siess, mit zuenähmeder Gäärig ender süürlicher. Er isch typischerwys trieb, das het är den enthaltene Hefeschwäbstoff z'verdangge.

Suser wird gärn zu deftige Spyse drungge, so z. B. zunere Ziibelewaie, zu Späck, zu Nüss etc.