Schimmelbilz

As Schimmelbilz fasst mä in dr Mikrobiologii e süstematisch heterogeni Grubbe vo filamentöse Bilz (Fungi) zämme, wo die mäiste von ene zu de taxonomische Grubbe vo de Ascomycete (Schluuchbilz) und Zygomycete (Jochbilz) ghööre. Die mäiste Schimmelbilz lääbe unuffellig as Saprobionte. Es git aber e baar Schimmelbilzarte, z. B. dr Dubakblauschimmel, wo mäldepflichtigi Pflanzechrankhäite si oder wo wil si in bestimmte ökologische Nische lääbe, für e Mensch bsundrigi Bedütig as Human-Parasite häi (z. B. Aspergillus fumigatus), as Erzüüger vo Bilzgift in verdorbene Lääbesmiddel (z. B. Aflatoxine und Patulin), aber au as Naarigsmiddel-Veredler (z. B. as charakteristischi Zuedaat vo Schimmelchääs und Salami), as biologischi Kwelle für Antibiotika (z. B. Penicillin) und cholesterinsänkendi Medikamänt (z. B. Lovastatin).

Schimmel waggst uf eme Pfirsich. D Ufnaame si wääred säggs Dääg öbbe alli 12 Stunde gmacht worde.

Litratuur

• Jürgen Reiß: Schimmelpilze. Lebensweise, Nutzen, Schaden, Bekämpfung. 2. Uflaag. Springer, Berlin 1998, ISBN 3-540-63019-8.
• Ulrich Kück, Minou Nowrousian, Birgit Hoff, Ines Engh: Schimmelpilze. Lebensweise, Nutzen, Schaden, Bekämpfung. 3. Uflaag. Springer, Häidelbärg 2009, ISBN 978-3-540-88716-4
• Liliane E. Petrini, Orlando Petrini: Schimmelpilze und ihre Bestimmung. 3. Uflaag. J. Cramer, Stuttgart 2010, ISBN 978-3-443-50035-1

Weblingg

 Commons: Schimmel – Sammlig vo Multimediadateie

• Rechner für Luftfeuchte: Für zum d „aw-08-Tämpratur“ uszrächne, won e Vorussetzig isch, für dass Schimmelbilz Geböid chönne befalle.

Fuessnoote

Bitte tue de Hiwiis zu Gsundheitsthemene biachte!

Bitte gib au Achtig uf dr Hiwis zue Rechtstheme!

Dä Artikel basiert uff ere fräie Übersetzig vu dere Version vum Artikel „Schimmelpilz“ vu de dütsche Wikipedia. E Liste vu de Autore un Versione isch do z finde.