Dr Shia Saide LaBeouf (/ˈʃaɪ.ə ləˈbʌf/; * 11. Juni 1986 z Los Angeles, Kalifornie) isch en US-amerikanische Schauspiiler un Komiker.

dr LaBeouf (15. Septämber 2015)

Karriere ändere

Dr LaBoeuf isch scho as Chind in Film ufdrätte. Er isch mit dr Hauptrolle in dr Disney-Channel-Chinderserii Even Stevens (2000–2003) bekannt worde und het drfür 2003 e Daytime Emmy Award überchoo. 2003 het er im Äkschenfilm 3 Engel für Charlie – Volle Power näbe dr Cameron Diaz, dr Drew Barrymore und dr Lucy Liu d Rolle vom Max Petroni gspiilt. Sini erschte gröössere Hauptrolle het er 2007 in Disturbia und im Äkschenfilm Transformers gspiilt, und er het für die meereri Uszäichnige überchoo.

Dr Steven Spielberg, wo dr LaBeouf für die bäide Film empfoole het, het em denn e Rolle im vierte Däil vo dr Indiana-Jones-Räije – Indiana Jones und das Königreich des Kristallschädels – gee. 2010 isch er näben em Michael Douglas in Wall Street: Geld schläft nicht ufdräte.

2012 het dr LaBeouf sich afo Independent-Film widme, und er het Hauptrolle im John Hillcoat sim Film Lawless – Die Gesetzlosen, im Muusigwideo Fjögur Píanó vom Sigur Rós und in The Company You Keep – Die Akte Grant vom Robert Redford gspiilt. 2015 het men en im Muusigwideo Elastic Heart vo dr Sia chönne gsee, wien er mit dr Maddie Ziegler danzt het.

Dr Naame ändere

Dr Vorname Shia chunnt us em Hebräische und bedütet Gschänk vo Gott.

Saide isch dr Familienaame vo dr Mueter und dr Familienaame LaBoeuf het er vo sim Vater, won e Cajun isch.

Weblingg ändere

  Commons: Shia LaBeouf – Sammlig vo Multimediadateie
  Dä Artikel basiert uff ere fräie Übersetzig vum Artikel „Shia_LaBeouf“ vu de dütsche Wikipedia. E Liste vu de Autore un Versione isch do z finde.