E Skelett bizaichnet d Stützstruktur vomene Organismus, wo zodem au Schutzfunktione het. E Skelett cha en Organismus umgge und werd den Exoskelett gnennt. Isch d Stützstruktur im innere vom Organismus, werd dem Endoskelett gsait.

s Skelett vom ene Ross mit däm vom ene Mentsch wo druff ritet

Exoskelett ändere

En Exoskelett umgitt as e Hülle de Organismus, so wie bi de Chorale, Insekte oder Chrepse. Well en Exoskelett nume bis zumene gwüsse Grad mitwachse cha, werd s abgstosse, wenns z chlii werd.

Endoskelett ändere

Endoskelett sind im Organismus dine und chömet bi Schwämm, Stachelhüüter und Chordatier vor, wo au d Wirbeltier und de Mentsch dezue ghöret.

S mentschliche Skelett bistoot us em Schädel, em Rumpf (mit de Wirbelsüüli und em Brustchaste) und em appendikuläre Skelett (Extremitäte). De Mentsch het öppe 200 Chnöche, wo au d Wirbel und Rippli dezueghöret. D Aazaal schwankt je noch Individuum.

Weblink ändere

  Commons: Skelett – Sammlig vo Multimediadateie