Ski Alpin

Bim alpiine Schiirenne (churz: Ski Alpin) faare d Schiifaarer uf ere Schiipiste, won e Kurs mit Door abgsteckt isch. Ski alpin (au Schiifaare oder Schiiabfaartslauf) isch näben em Schiilanglauf, Schiispringe, dr Nordische Kombinazioon, em Friistäil und Snouboord en olümpischi Schii-Diszipliin. D Abfaarte kombiniere Gschwindigkäit und perfekti Beherschig vo Schii und Körper.

Ski Alpin

Bi Schiirenne het jeede äinzeln Schiifaarer dr Abfaartslauf für sich und muess, ooni Fääler z mache, vom Start bis zum Ziil dur alli Door korrekt duurefaare. Si Zit wird gmässe und dr schnällst Faarer gwünnt s Renne. Bi de Wettkämpf git s acht verschiideni Wettbewärb, wo sich underschäide bim Setze vom Kurs, bi dr Zaal vo de Door und iirem Abstand, vo dr Lengi vo dr Strecki, bi de Höüchiunderschiid und bim Wärtigsmodus. Tüpischi Wettbewärb si Abfaart, Super-Dschii, Riieseslalom, Slalom und Alpiini Kombinazioon.

Weblingg

 Commons: Ski Alpin – Sammlig vo Multimediadateie