Soziolekt

En Sozioläkt isch e Schproochform, wo fonere bschtimmte Grupp fo Lüüt bbruucht wird, wo zunere bschtimmte soziaale Grupp ghöört. Im Unterschiid fom Dialäkt isch en Sozioläkt nöd immer regionaal bigrenzt.

I ferschidnige Schprooche unterschäidet sich d Schprooch fo de Manne und fo de Fraue, so zum Biischpel in arabische Schtätt, wie z Tunis. Im Alemannische isch zum Biischpel s Mattenänglische en Sozioläkt wo z Bärn gschwätzt wird. En modärne Sozioläkt, wo sich im dütschschproochige und im alemannischschproochige Ruum uusbildet, isch d Dschänderschprooch, wo for allem fo politisch progressiife und guet uusbildete Lüüt, hüüffig Akademiker*inne, gschribe wird und fo Büetzer oder kultuurkonserwatiife Persoone abgleenet wird. Di gredeti Form fo däm Sozioläkt wird nume fo ganz wenige Lüüt bbruucht.