Koordinate: 47° 33′ 23,9″ N, 7° 34′ 53,1″ O; CH1903: 610748 / 267334

S Spaaleschuelhuus
Dialäkt: Baaseldütsch

S Spaaleschuelhuus isch en ehemooligs Schuelhuus am Schützegraabe 42 / Schützemattstrooss 20 z Baasel. Es gältet as e Baasler Kulturguet, wo für d Regioon vo Bedütig isch.

Hüte isch s Baasler Stroofgricht do dehäi.

Baugschicht ändere

S Geböid isch vom Heinrich Reese vo 1876 bis 1878 baut worde im Stiil vom historizierende Klassizismus und isch drei Stöck hooch. Es stoot uf em Areal, wo bis 1865 s Fröschbollwärk gstanden isch. Es isch äis vo zwanzig nöie Schuelhüüser gsi, wo z Baasel zwüsche 1874 und 1907 baut worde si.[1]

Lang isch e Brimarschuel für Buebe din gsi, wo «Zum Jugendfleiss» ghäisse het.[1] Für e kurzi Zit het s s Mäitligümnasium brucht.[2] Im Joor 1988 isch s Stroofgricht für e Zitli us em «Bäumli» in s ehemoolige Schuelhuus khoo, so dass mä s Grichtsgeböid het könne umbaue. 1994 het mä beschlosse, ass s Stroofgricht denn doch definitiv dört söll bliibe. Mit em Nöibau vom ene Bawillion am Iigang zum früenere Schuelhoof in de Joor 2007 und 2008 het mä dr Personeschutz im Gricht verbesseret.[3]

Fuessnoote ändere

  1. 1,0 1,1 Georg Kreis, Beat von Wartburg: Basel: Geschichte einer städtischen Gesellschaft, Christoph-Merian-Verlag, 2000 , S. 386
  2. Broschüre zur ausstellung «200 Jahre höhere Mädchenbildung», Gymnasium Leonhard Ausstellung 31. August bis 20. Dezember 2013
  3. «Neubau Zugangskontrolle Strafgericht Basel-Stadt» uf dr Website vo dr Hoochrii-Zitig, 24. April 2008. Abgrüeft am 2. Dezämber 2014