Starchebach SG

S SG im Lemma isch s offiziell Chürzel vom Kanton Sanggale und wird bruucht, zum Verwächslige mit Yträäg vom Name Starchebach vermyde, wo öppis anders meined.

Starchebach (amtlich Starkenbach) isch e Wiiller i de Gmäind Wildhuus-Alt Santihann im obere Toggeburg.

Starchebach vom Strichbode uf de Alp Seluu obenabe gsie. Henedra d Taalengi bi Starchestäi

Underhalb vo Starchbach isch d Burg Starchstäi gstande. A dere Stell isch e Taalengi, wo de Vercheer bihinderet. Erst ane 1826 hett mer do de Fels dörebroche, das mer d Autostrooss vo Wattwil uf Wildhuus het chöne baue. Hütt werd a dere Stell no e Staibruch betrebe, wo di ganzi Ostschwiiz mit Chiis und Schotter bilifere tuet. S Tuurtel oberhalb vom Starchstai tuet sich denn zonnere Flussaue uuf, wo bis uf Underwasser ue goot und nume e liechti Stiigig hett. I dere Flussaue, wos no Auewald gitt, litt südlich vo de Tuur Starchebach.

Starchenachh litt a de Hoptstrooss 16 vo Wattwil uf Wildhuus, wo witter uf Gams im Rhintl une abe goot. E Strooss, wo nume iigschrenkt bifaare were taar, goot vo Starchebach öbere uf Amme am Walesee. Bim Säss, südlich vom Wiiller isch e Sailbaastatio, wo uf d Alp Seluu ue goot. Z Starchebach und i de Umgebig gits no aalti traditionelli Toggeburgerhüser. Ais devo isch s Tätschhuus, wo um 1910 baut woren isch.