Stellgröössi

D Stellgröössi isch d Usgangsgröössi (d Stellig) vom Stellgliid, wo in dr Stüürigs- und in der Reegeligstechnik verwändet wird. Mit iim wird e ziilte Iigriff in d Stüür- beziehigswiis d Reegelstrecki gmacht. Dr Wärt, wo si in däm Momänt het, isch dr Stellwärt.

oobe: Stüürig, d Wirkigschetti zwüsche Füerigsgröössi über d Stellgröössi zur Gröössi, wo gstüürt söll wärde.
unde: Reeglig, e zuenige Wirkigskräis, wo d Stellgröössi in em d Iigangsgröössi zur Reegelstrecki isch.

D Iigangsgröössi vom Stellgliid häisst bin ere Stüürig Füerigsgröössi, bin ere Regelig Stüürgröössi (d Füerigsgröössi isch Däil vo dr Iigangsgröössi in dr Reegler).

E Bischbil für d Stellgröössi isch dr Öffnigszuestand vom ene Ventil. Däm si Füerigsgröössi isch zum Bischbil d Stellig vom Handraade, wos Ventil mit em bedient wird. Bin ere Reeglig wird e Ventil mit Stellaadriib verwändet. Bim ene pnöimatische Aadriib isch si Iigangsgröössi dr Druck uf d Membrane, wo vom ene pnöimatische Reegler gstüürt wird.

Dä Artikel basiert uff ere fräie Übersetzig vum Artikel „Stellgröße“ vu de dütsche Wikipedia. E Liste vu de Autore un Versione isch do z finde.