Stephan (II.)

Dr Stephan (II.) († 25. oder 26. Meerz 752) isch fir e baar Dääg gweelte Paapscht gsii. Är isch as eltschte Presbyter vu Rom am 22. oder 23. Meerz 752 aistimmig zum offiziälle Noofolger vum Paapscht Zacharias bstimmt woore. Wun ge´weelt wooren isch, isch er scho seli alt gsii un är isch vier Dääg dernoo an eme Schlaag gstoorbe, ohni ass er zum Bischof gweit woore wäär.

Lääbe un Wiirke

Är wird äntwäder as Paapscht mit dr chiirzeschte Amtsduur oder aber gar nit as Paapscht aagluegt. Di kadoolisch Chilche het er vum 16. Johrhundert bis 1961 as Paapscht zellt, syterhär nimi. Bi speetere Pääpscht mit em nämlige Name wird aber als d Zellig mit ihm in Chlammere as Alternativ aagee, zem Byschpel bi sym diräkt Noofolger as Stephan II. (III.).

S ganz Mittelalter duure het mer d Bischofswei as Grundvorsuussetzig fir Pontifikat ghalte un het ihn wäge däm us dr Paapschtlischten uusgschlosse. Im Zuug vu dr Debatten um d Räächt vum Kardinalat im 15. un 16. Johrhundert het si die Aaschauig gänderet, wel mer jetz dervu uusgangen isch, ass d Wahl duur s Kollegium längt zum e Paapscht legitimiere.

Vum 16. Johrhundert bis anne 1961 isch dr Stephan (II.) in dr Pontifikatslischte gstande. Mit em Annuario Pontificio vu 1961 isch di friejer Siichr wider bsteetigt woore. No dr Neierige vu dr Paapschtwahl dur dr Paul VI. isch die Siicht (Bischofswei as Voruussetzig) in Codex Iuris Canonici vu 1983 yygange (Can. 332).

Mänkmool findet mer dr Stephan (II.) au in Lischte vu Geegepääpscht. Des isch aber falsch, wel er ebe ne räächtmääßig gwehlte Paapscht gsii isch, aber halt ohni Wei.

Literatur

• Richard Puza: Katholisches Kirchenrecht (= UTB Nr. 1395). 2. Auflage, Müller, Juristischer Verlag, Heidelberg 1993, S. 153
• Ekkart Sauser: Stephan II. (III.). In: Biographisch-Bibliographisches Kirchenlexikon (BBKL). Band 10, Herzberg 1995, ISBN 3-88309-062-X, Sp. 1351–1354.
• Horace Mann: Pope Stephen II.. In: Catholic Encyclopedia, Band 14, Robert Appleton Company, New York 1912 (änglisch)

Weblink

 Commons: Stephan (II.) – Sammlig vo Multimediadateie

• Stefano, In: Salvador Miranda: The Cardinals of the Holy Roman Church, online uf fiu.edu, Websyte vu dr Florida International University, abgruefen am 31. Dezember 2017. (änglisch)
• Jan Hendrik Stens: Der Papst, den es zweimal gab: Papst Stephan II. In: Domradio.de. 22. März 2019; abgruefen am 22. März 2019. 

Fueßnote

Vorgänger	Amt	Nachfolger
Zacharias	Papscht 752	Stephan II.

Dä Artikel basiert uff ere fräie Übersetzig vu dere Version vum Artikel „Stephan_(II.)“ vu de dütsche Wikipedia. E Liste vu de Autore un Versione isch do z finde.