Stephan VIII.

Dr Stephan VIII. (IX.) (* z Rom; † Oktober 942) isch vum 14. Juli 939 bis zue sym Dod Ändi Oktober 942 Papscht gsii.

Dr Stephan VIII. isch vu Rom gstammt un isch wahrschyns Kardinalprieschter vu Santi Silvestro e Martino ai Monti gsii. Är isch dr zweet vu fimf Päpscht gsii, wu uf Wysig vum remische Firscht Alberich II. gwehlt wore sin. Wäge däre Abhängigkait het er nume formäll iber dr Chilchestaat regiert.

Vu sym Pontifikat waißt mer nume wenig. Dr Stephan soll zämme mit em Alberich d Chloschterreforme vu Cluny unterstitzt un au dr Abt Odo vu Cluny empfange haa. Im franzesischen Droonstryt het er si uf d Syte vum weschtfränkische Chenig Ludwig IV. gstellt.

No spetere, uusichere Quälle sei dr Stephan VIII. in bolitischi Chämpf zwisch em italienische Chenig Hugo vu Arles un em Alberich II. verwicklet gsii syy un heb bin ere Revolte gege sy friejere Ferderer Alberich mitgmacht. Wäge däm sei er yygsperrt un dur e Verstummelig bstroft wore, wun ere draa sgtorbe sei.

Weblink

 Commons: Stephan VIII. – Sammlig vo Multimediadateie

Literatur

• Harald Zimmermann: Stephan VIII.. In: Biographisch-Bibliographisches Kirchenlexikon (BBKL). Band 10, Herzberg 1995, ISBN 3-88309-062-X, Sp. 1357.
• Ytrag in d Catholic Encyclopedia, Robert Appleton Company, New York 1913 (änglisch)

Vorgänger Leo VII.

Papscht 939–942

Nochfolger Marinus II.

Dä Artikel basiert uff ere fräie Übersetzig vu dere Version vum Artikel „Stephan_VIII.“ vu de dütsche Wikipedia. E Liste vu de Autore un Versione isch do z finde.