Streptophytina

Systematik

Klassifikation:	Läbewäse
Domäne:	Eukaryote (Eucaryota)
ohne Rang:	Archaeplastida
ohne Rang:	Chloroplastida
ohne Rang:	Charophyta
ohne Rang:	Streptophytina

Wüsseschaftlige Name

Streptophytina

Lewis und McCourt, 2004

D Streptophytina sin e Gruppe vu photosynthetisch aktive, mehzällige Eukaryote, also Läbewäse mit Zällchern. D Gruppe bstoht us dr Armlychteralge un dr Pflanze.

Merkmol

Uf d Streptophytina dräffe natyrlig alli Merkmol vu dr Charophyta au zue. D Zälldailig goht generäll iber e Phragmoplascht. D Zällulose wird vu rosettefermige Enzymkomplex synthetisiert. Alli Arti sin mehzällig, s vegetativ Wachstum goht iber apikali Zälle am Änd vu dr Sytenescht oder dr Hauptnescht. Di sexuäll Vermehrig goht iber Oogamie, doderby sin d Aizälle in ere Hille gschitzt. D Spermatozoide sin zmaischt drillt. Bi abglaitete Forme dritt des Merkmol zruck: Palmfarn un Ginkgo hän Spermatozoide mit eme drillte Flagelleband, di ibrige Soomepflanze hän uubegaisleti un nit drillti Spermie. D Zälldailige finden in allne drei Ruumebene statt.

Syschtematik

In dr letschte Johr hän sich d Armlychteralge dytlig as d Schweschtergruppe vu dr Pflanze uusekrischtallisiert. Wäge däm wäre die boode Gruppe in dr Charophyta as aigeni Gruppe Streptophytina zämmegfasst. No Adl et al. 2005 wäre d Taxa kaine Rangstapfle zuegordnet:

Armlychteralge (Charales)
Pflanze (Plantae)

Literatur

Sina M. Adl, Alastair G. B. Simpson, Mark A. Farmer, Robert A. Andersen, O. Roger Anderson, John A. Barta, Samual S. Bowser, Guy Bragerolle, Robert A. Fensome, Suzanne Fredericq, Timothy Y. James, Sergei Karpov, Paul Kugrens, John Krug, Christopher E. Lane, Louise A. Lewis, Jean Lodge, Denis H. Lynn, David G. Mann, Richard M. McCourt, Leonel Mendoza, Øjvind Moestrup, Sharon E. Mozley-Standridge, Thomas A. Nerad, Carol A. Shearer, Alexey V. Smirnov, Frederick W. Spiegel, Max F. J. R. Taylor: The New Higher Level Classification of Eukaryotes with Emphasis on the Taxonomy of Protists. The Journal of Eukaryotic Microbiology 52 (5), 2005; Seiten 399-451 (Abstract und Volltext)
Louise A. Lewis, Richard M. McCourt: Green Algae and the origin of land plants: American Journal of Botany 91 (10), 2004, Seiten 1535-1556. Abstract und Volltext

Dä Artikel basiert uff ere fräie Übersetzig vum Artikel „Streptophytina“ vu de dütsche Wikipedia. E Liste vu de Autore un Versione isch do z finde.