As temperierti Stimmig bezäichnet mä in dr Muusig e Stimmigssüsteem, wo Temperierige vo Intervall verwändet. Mä brucht dr Begriff vilmol sünonüüm mit dr gliichstuefige Stimmig, was aber sträng gnoo nid richdig isch, wil s usser dr gliichstuefige au no anderi temperierti Stimmige git.

Wil die räini Stimmig uf Dasteinstrumänt mit zwölf Daste pro Oktave nit cha verwirkligt wärde, het mä in dr oobeländische Muusig „temperierti“ Stimmigssüsteem entwigglet, wo s liichti Abwiichige din git vo de räine Intervall.

Zu deene Stimmigssüsteem ghöört die middeldöönigi Stimmig, wo langi Zit verwändet worde isch, und die wooltemperierti Stimmig, wo spööter entwigglet worde isch. Es isch also genauer, wemm mä s spezifische Stimmigsüsteem aagit, as dr Begriff temperierti Stimmig z bruuche.


Information icon.svg Dä Artikel basiert uff ere fräie Übersetzig vum Artikel „Temperierte_Stimmung“ vu de dütsche Wikipedia. E Liste vu de Autore un Versione isch do z finde.