Text:August Lustig/A. Lustig Sämtliche Werke: Band 1/D'Katze.
's thien Katze ne Versammlung halte
Uf unsrer Bihne hinterm Holz,
Se sitze-n-Alle, Jung un Alte,
Dert in're Reihe ernst un stolz.
Schint's hàn se wichtig Dings vorz'trage!
Nur sin se no nitt ganz complet,
's wird siter g'schwàtzt, se rieme, klage,
Wie's g'wöhnlig an so Orte geht.
's isch wohr, mr hàn's g'üet in viel Sache,
Sàit grad e-n-alte Müetterkatz,
Mr bruche nimmig halb so z'wache
Uf d'Mis, ich wich drum nitt vom Platz!
Me hat jo jetz kunstriche Falle,
Wo sie thien fange Gross un Klei,
Me ka se bol nimm fresse-n-Alle,
's verlcidet eim das Einerlei!
Nur d'Vögel, die sin nitt az'ziege,
Mr mien se-n-üs em Sinn uns schla,
Grad unser Libspis, die ka fliege!
Ich gàb weiss was, fir Fàttig z'ha!
Ich bi letscht ohne Fàttig g'floge,
Züem Fenster üse noch derzüe,
So sàit e-n-Andre, fir eim z'ploge
Hat's immer böse Lit genüe.
Un d'Kinder o thien eim norenne,
Die meine, d'Wàdel sin nur g'macht,
Fir ass sie sich dra hewe kanne,
's git als e mànge heisse Schlacht.
E-n-alter Rolli, bleich un mager,
Doch mit eme gar nowle G'sicht,
Steht langsam uf jetz vo sim Lager,
Verneigt si, hüeschtet, speit un spricht:
Ihr Dame-n-un Ihr Rolli z'àmme,
Wenn Ihr jetz einig werde hit,
Wà mir das frische G'setz anàmme,
Wo scho so lang uns z'schaffe git.
So warte doch e wenig numme,
Rieft Eine, bis mi Onkel kunnt!
Un mi Grossvater soll o kumme,
So rieft 's Minett im Hintergrund.
Doch vor ebb mir das G'setz votiere,
So fahrt jetz furt dr Präsidcnt,
Wà mir das Ding noch discutiere,
Ass Jeder heiter sieht am End.
Ihr wisse, 's isch e Schand, e wahre,
Was mir im Hornung alle Johr
Fir G'schichte hàn, wenn mir uns paare,
's kunnt nit as Strit un Hass als vor.
Uf Dàcher, Bihne-n-un im Freie
Wird d'ganze Nacht gar wiescht als g'hüst,
Do hört me pfise-n-als un speie
Un murre, ass es eim drab grüst.
Wo kunnt das her? Ihr wisse's Alle:
Wil Rolli als un Müetterkatz
Sich glich enander nimmig g'falle
Un üsgehn uf e-n-andrer Schatz.
Mit dem git's als gar schlimme Sache,
Wer weisst, was noch do drüs kännt g'schàh!
Drum wà mr's glaüb wic d'Mensche mache
Un nur ei Fraü fir immer nàh?...
Ei Rolli nur no ihre G'setze
Isch dert erlaübt, un nur ei Fraü;
Un doch thien sie sich glicklig schätze,
Das sieht me-n-ihne-n-a ganz g'naü.
Ich weiss nitt, eb sie's halte-n-Alle,
Bringt Eine vor, d'Hiroth ka nitt
Verhiete, ass eim Andre, g'falle,
Das bringt eim si Verstand jo mit!
Wie d'Lit hirothe! mit sim Schàtzle?
Das wott e schön Kumedi gà!
Sa rieft e ganz jung Müetterkàtzle,
Tch watt mich im e Schleier sàh!
Mir kännte-n-is jo nitt vertrage,
So rieft e-n-Andre, das isch klar,
Denn 's wird jo als scho pfist un g'schlage
D'ganz erste Nacht bi jedem Paar.
Eins will in d'Kohle sich geh bette
Un 's Andre will in d'Howelspàhn,
Was gàb's erst später noch fir Mette,
Fir uns isch das nit, wie-n-Ihr sàhn.
Das G'setz, das känne mir nitt halte,
Sa ebbes will d'Natür nitt ha!
Schreit jetz e Rolli, 's blibt bim Alte,
's Minett wie's Züsi lach ich a.
Do miesst e Rolli bim e Kàtzle,
Wenn's d'Fraü nitt isch, kaltblietig si
Un hätt's noch so ne süfer Fràtzle!
Wo denke-n-Ihr denn nur o hi?...
Ne Stund lang, ohne sich lo z'störe,
Hàn sie sa driwer discutiert.
Dr nàchste Hornung wird me höre,
Was fir e G'setz ass sie regiert.
