Text:August Lustig/A. Lustig Sämtliche Werke: Band 1/Dr Stolz.

Worum denn, Mensch, thüesch Dü dr Kopf
So hoch als màngmol trage?
Stolz!... un uf was denn, armer Tropf,
Kasch Dü mir's viellicht sage?

Isch's uf Di Schönheit, uf Di G'stalt?
Fir das brüchsch Dich noch z'meine!
Dü thüesch Dich gar nitt b'sinne halt,
Sunscht wàrsch scho lang im Reine.

Isch denn Di armer Körper nitt
E trürige Maschine,
Wo breche ka bi jedem Schritt,
Hat's Dir noch nie so g'schine?

Schaü, was D' müesch mache-n-alle Tag,
Fir ass se thüet marschiere,
Un sag mr, wer druf stolz si mag
Un wer sich mit will ziere.

Un hat denn d'Schönheit do wohl gar
Emol Pardon noch g'funde?
Gang schaü ins Grab, dert wird's Dir klar,
Üs was se b'steht do unte.

Bisch uf Di Richthum stolz? glaüb mir,
Das ka kei Rüehm Dir bringe,
So lang as Andre nàwe Dir
Als mit dr Noth mien ringe.

Isch's d'Herkunft, wo De stolz bisch mit?
D'Vernunft erlaübt das niene;
E-n-edler Name erbt sich nitt,
Me müess ne z'erst verdiene!

Do nutzt kei Titel un kei Blüet;
Dr Adel isch, dr wahre,
Wenn einer edel handle thüet,
Das isch e Sach, e klare.

Un so ne Adel nitt emol
Isch jo mit Stolz verbunde;
Dà, wo schafft fir's allg'meine Wohl,
Nimmt's fir si Pflicht do unte.

Isch's Di Talent, wo Dü-n-eso
Als màngmol druf thüesch poche?
Wenn D' ebbes kasch, hasch driwer jo
Dr Kopf lang g'nüe verbroche!

Un wie viel Andre sieht me doch
Eso do ummerenne,
So g'schickt wie Dü, un g'schickter noch,
Wo noch viel mehr als känne!

Un thüet dr Hochmüeth gar am End
Allei in Dir nur sitze?
Hasch Dü o wirklig das Talent,
Wo Dü Dir ibildsch z'b'sitze?

Vom Stolz thien ewe màngmol d'Lit
Dr Kopf eso verliere,
Ass sie sich selwer d'ganze Zit
Dr G'scheidtschte proclamiere.

Un wenn D' 'n wàrsch dr G'scheidtschte-n-o,
Wie wenig thàtsch noch wisse!
's isch wohr, 's thàt o kei Stolz derno
Ufkumme-n-in Dim G'wisse.

Dü bildsch Dir leider viel z'viel i
Uf Di Person do unte,
Meinsch, 's seig nur alles z'àmme Di
Un nur fir Dich erfunde.

Un doch isch d'Erde g'fahre jo
Scho längst um d'Sunne-n-umme,
Un alle-n-andre Welte-n-o,
Vor ebb Dü druf bisch kumme.

Un alles das wird viellicht wohl
Noch fahre-n-in sim Schimmer,
Wenn längst scho 's letschte-n-Aüg emol
Sich g'schlosse hat fir immer!