Text:August Lustig/A. Lustig Sämtliche Werke: Band 1/Dr Summer vo anno 1882.

Wo das Johr isch ku regiere,
Hat's glich d'vier' Johrszite b'stellt,
Fir ass sie kei Zit verliere
Un sich jede güet istellt.

's isch mr Leid, sàit glich dr Summer,
Ich ka halt nitt ku dasmol,
Ich bi krank, 's macht mir viel Kummer,
Das begrife-n-ihr ganz wohl.

Was, rieft's Frieihjohr, thüesch verzähle?
Das geht nitt, was kunnt Dir i?
Wer meinsch, ass mr sotte wähle,
Fir d'Frucht z'b'sorge-n-un dr Wi?

Ich bi g'wiss scho g'nüeg abunde,
Uf mich zähle kasch Dü nitt,
Länger blib ich kei Secunde
As mi Zit, das merk Dir hit.

Un ich, thüet jetz 's Spotjohr sage,
Kumm nitt frieiher, 's ka nitt si,
D'Lit thien sich jo jetz beklage,
Wenn ich in mim Recht als bi.

Will mich Nieme remplaciere,
Fangt dr Summer wieder a,
So müess ich halt doch prawiere,
Eb ich d'Arwet mache ka.

Doch will ich eüch ebbes rothe:
Wenn nitt alles letz soll geh,
Soll dr Winter halt dr Bode
Z'erst verschone mit em Schnee.

's Frieihjohr soll kei Rege bringe,
's soll nur bringe Wärme mit;
Denke dra an all' die Dinge,
Mir erlaübt's mi Krankhet nitt.

Wo denn thüesch Dü Dich beklage?
Froge-n-alle, wo fehlt's als?
Wo? sàit er, ich will's i sage:
D'Wassersucht ha-n-ich am Hals!