Text:August Lustig/A. Lustig Sämtliche Werke: Band 1/Dr alte Hansjobi.

Komische Scene fir's Wiehnàchtsfest vorn Cercle mulhousien anno 1879.

Ihr liewe Kinder, alt un schwach
Sin mine Bei efange,
Un vorwàrts geht's bi mir nur g'mach,
's geht nimm no mim Verlange.

Un doch ha-n-ich hit welle ku
Dr Wiehnàchtsbaüm do b'schaüe
Im Cercle, 's hat mi Wunder gnu
Un 's hat mi no nitt g'raüe.

Ich bi vo Schlierbi. Ich ha denkt,
Me wird mr's jo nitt wehre
Ku z'lüege, was am Baüm do hànkt
Un züe ne wenig z'höre!

Ich schaü ne g'wiss mit Freide-n-a,
Er wàr nitt schöner z'mache!
Dr Progrès geht doch recht vora,
Me sieht's an aile Sache!

's isch alles jetz viel schöner doch
As als züe unsre Zite,
Un trotzdem thüet me-n-immer noch
In allem vorwàrts schrite.

Me fiehrt jetz üs e jeder Plan,
's isch bol nit meh z'erdichte,
Nur sott me noch dr Isebahn
Uf Schlierbi hintre richte!

Denn das isch d'Haüptsach, 's Reise jetz,
D'Lit kämme doch züenander
Un lehre kenne Land un G'setz
Un hàn Verkehr mitnander.

Wer b'sinnt sich nitt, wie als züer Zit,
Fir uf Paris nur z'reise,
Ne G'schichte g'macht hàn alle Lit,
Wie's Thràne gà hat, heisse!

Se hàn ihr Testament als g'macht,
Hàn d'Frind lo z'àmme kumme,
Hàn bim Familienesse z'Nacht
Vonander Abschied g'numme!

Jetz ka me derthi z'kàlte geh
Un do si wiedr am Morge!
Me kennt jetz keine Strecke meh,
Dr Dampf thüet alles b'sorge!

Wer hätt's em züetraüt?... er, wo doch
Eim g'wöhnlig nur macht z'schlofe...
An viel so Sache denk i noch
Als d'heim bim warme-n-Ofe.

Grad as wie d'Elektrizität...
Die hätt ich schier erfunde!...
Ihr derfe glaüwe miner Red,
Ich ha se scho empfunde.

Vor ebb dr Telegraph gsi isch,
Vor Johre scho, vor lange,
Wenn 's Rosele-n-als, jung un frisch,
Bi mir verbi isch gange...

's hat mich ganz stumm un lahm als g'macht,
Das isch 's EIektrisiere!...
Jetz wendet me se-n-a, die Macht,
Fir sich z'telegraphiere.

Un so isch's o mit Tanz un G'sang,
Ich will's i glich bewise,
Ihr werde sàh, se sin scho lang
Vergesse, unsre Wise...

(G'sang.)
D'Wiehnàchte-n-isch kumme,
's Christkindle-n-isch do,
Un d'Lit alle, d'frumme
Sin glicklig un froh.

Im Kind bringt's e Bàimle,	} bis
Im Greis bringt's e Baüm,
's thüet Alle-n-aheimle
An ihr Jugendtraüm.

(Er tanzt d'Ritournelle.)
D'Wiehnàchte-n-isch kumme,
's Christkindle-n-isch do,
's hat 's Wort wieder g'numme,
Verkinde thüet's scho:
's well Freide hit stire
Un Trost gà de Lit,
Drum wà mir se fire
Die glicklige Zit.
(Er tanzt d'Ritournelle.)

So hat's bi uns als Lieder gà
Un Tànz, eifach isch's Ganze.
Jetz singt me grosse-n-Operas
Un thüet noch Quadrill tanze!

In allem sin d'Lit vorwàrts g'ruckt,
Hàn alle Vortheil g'funde!
Nur ebbes isch noch, wo se druckt
Uf unsrer Welt do unte.

Dr Krieg, dà herrscht jetz immer noch,
Das Erbtheil vo de Wilde!
Wenn alle Mensche sotte doch
Nur ei Familie bilde!

Vergewes kunnt se-n-alle Johr
Ku 's Wiehnàchtskindle mahne
Un hebt ene in Alle vor
Dr schöne Eintrachtsfahne.

Wenn nimmt's e-n-End?... das sàh mir nimm,
's miesst vorwàrts geh viel g'schwinder!...
Doch mag erhört si unsre Stimm,
Viellicht sàhn's unsre Kinder!...

Doch adie jetz un lewe wohl,
Ich hoff, ass 's Wiehnàchtskindle
Uns Alle wieder 's nàchste Mol
Verschafft e-n-ag'nehm Stündle.